غزہ پر حملہ انسانی حقوق کی سنگین پامالی ہے: عدنان صدیقی

🗓️ 19 جون 2021

کراچی (سچ خبریں)پاکستان شوبز انڈسٹری کے معروف اداکار عدنان صدیقی کا کہنا ہے کہ غزہ پر حملہ انسانی حقوق کی سنگین پامالی ہے ہمیں مسئلہ فلسطین کے بارے میں بات کرنا بند نہیں کرنی چاہیے۔کیا جنگ بندی  صرف ایک دکھاوا تھا؟

عدنان صدیقی نے نئی اسرائیلی حکومت کے آنے کے بعد غزہ کی پٹی پر پھر سے بمباری کاسلسلہ شروع ہونے پر مائیکرو بلاگنگ ویب سائٹ ٹوئٹر پر غم و غصے کا اظہار کیا ہے۔انہوں نے اپنے ٹوئٹ میں سوالیہ انداز میں لکھا کہ ’جنگ بندی کا کیا ہوا؟ کیا وہ صرف ایک دکھاوا تھا؟۔

اداکار نے غزہ پر حملے کی مذمت کرتے ہوئے لکھا کہ  ’غزہ پر حملہ انسانی حقوق کی سنگین پامالی ہے، ہمیں اس کے بارے میں بات کرنا نہیں چھوڑنا چاہیے۔واضح رہے کہ نئی اسرائیلی حکومت کے اقتدار سنبھالتے ہی غزہ پر بمباری کی گئی ہے، جس سے یہ ظاہر ہوتا ہے کہ اسرائیل فلسطینی عوام کے خلاف اپنی جارحیت کے لئے پرعزم ہے، فلسطینی حکام کے مطابق حملہ خان یونس میں کیا گیا۔

واضح رہے کہ اس سے قبل فلسطینی عوام کے خلاف اسرائیلی جارحیت کے حوالے سے پاکستان کی مختلف مشہور شخصیات نے ردعمل کا اظہار کیا ہے اور انہوں نے فلسطینی عوام سے اظہار یکجہتی کیا ہے جن میں شوبز انڈسٹری کے سینئر اداکار نعمان اعجاز،  اداکارہ اشنا شاہ ، نور بخاری اور کچھ دیگر اہم شخصیات کے نام شامل ہیں۔