شہریار منور پنجگانہ نماز کے پابند کیسے بنے؟

?️ 20 دسمبر 2021

کراچی (سچ خبریں)پاکستانی خوبرو اداکار، ہدایتکار و رائٹر شہریار منور پنجگانہ نماز کے پابند کیسے بنے؟ اس حوالے سے ان  کا کہنا ہے کہ اُن کے ساتھ پیش آنے والے روڈ حادثے نے اُنہیں نمازی بنا دیا ہے حادثے سے قبل بھی وہ نماز پڑھتے تھے مگر اس ایکسیڈنٹ کے بعد وہ پانچ وقت کی نماز کے پابند ہو گئے ہیں۔

شہریار منور نے گزشتہ دنوں ایک ٹاک شو میں بطور مہمان شرکت کی، اس دوران شہریار منور نے جہاں اپنے کیریئر اور نجی زندگی سے متعلق اہم معلومات شیئر کیں وہیں اُنہوں نے اپنی زندگی میں آنے والے بہت بڑے بدلاؤ سے متعلق بھی بات کی۔

شو کے میزبان احسن خان نے شہر یار منور سے اُن کے گزشتہ سال، کوویڈ 19 کے دوران ہونے والے روڈ ایکسیڈنٹ، ڈپریشن سے گزرنے اور وزن کے بڑھنے سے متعلق سوال کیا۔جس کے جواب میں شہریار منور کا بتانا تھا کہ ’کوویڈ 19 سب کے لیے بہت مشکل وقت تھا، وہ شروع ہی سے گھومنے پھرنے اور ورزش کے شوقین تھے مگر کوویڈ 19 کے دوران اُن کا روڈ ایکسیڈنٹ ہوگیا جس کے بعد نہ وہ گھوم پھر سکتے تھے اور نہ ہی ورزش کر سکتے تھے۔‘

شہریار منور نے مزید بتایا کہ ’اسی لیے اُن کا وزن بھی بڑھ گیا تھا اور کافی عرصہ وہ  ڈپریشن میں بھی رہے۔‘اُن کا کہنا تھا کہ ’اس حادثے سے قبل بھی وہ نماز پڑھتے تھے مگر اس ایکسیڈنٹ کے بعد وہ پانچ وقت کی نماز کے پابند ہو گئے ہیں اور انہوں نے اس دوران یوگا بھی بہت کیا اور اپنے گھر والوں سے اپنے ڈاکٹروں سے بات چیت کے ذریعے اپنے ڈپریشن پر بھی قابو پایا۔