شعیب ملک اور ثنا جاوید کی شادی: سوشل میڈیا تبصروں پر بشریٰ انصاری برس پڑیں

?️ 21 جنوری 2024

کراچی: (سچ خبریں) پاکستانی کرکٹر شعیب ملک اور اداکارہ ثنا جاوید کی شادی کی خبر کے بعد سوشل میڈیا پر ہونے والے تبصروں اور ٹرولنگ پر سینئر اداکارہ بشریٰ انصاری سوشل میڈیا صارفین اور میڈیا چینلز پر برس پڑیں۔

انسٹاگرام پر ویڈیو پیغام شئیر کرتےہوئے بشریٰ انصاری نے کہا کہ ’شعیب ملک اور ثنا جاوید کی شادی کی خبر کے بعد صبح سے ملک میں آگ لگی ہوئی ہے۔‘

انہوں نے میڈیا چینلز سے بھی شدید ناراضگی کا اظہار کیا، انہوں نے کہا کہ شعیب ملک کی دوسری شادی کے بعد مجھے ڈھیروں فون کالز آنا شروع ہوگئیں جس پر مجھے شدید غصہ ہے، میڈیا چینلجز مجھے فون کیوں کررہے ہیں؟

انہوں نے برہمی کا اظہار کرتے ہوئے کہا کہ ’کیا میں شعیب کے ساتھ اسکول میں پڑھتی تھی؟ کیا وہ میرا کلاس فیلو تھا؟ کیا ثنا جاوید میرے ساتھ بچپن میں کھیلتی تھی؟ کیا میں ان کی فیملی کا حصہ ہوں؟ کسی کی نجی زندگی مٰں بولنے والے آپ کون ہوتے ہیں؟ میں بے وقوف سوالوں کا کیوں جواب دوں؟ ان باتوں پر مجھے شدید غصہ ہے، خدا کا خوف ہے یا نہیں؟ دونوں کی شادی ہوگئی، اچھی بات ہے، خوش رہیں، میں اور آپ کون ہوتے ہیں کسی کی نجی زندگی کے بارے میں سوال کرنے والے؟

بشریٰ انصاری نے کہا کہ ایک طرف اداکار طلعت حسین علیل ہیں، دنیا کے حالات خراب ہیں، ملک میں الیکشن نہیں ہورہے، لیکن میڈیا چینلز کو صرف یہی کام ہے کہ شعیب ملک نے ثنا جاوید سے کیسے شادی کرلی، اس کی پہلی شادی کیسے ختم ہوئی وغیرہ وغیرہ۔

بشریٰ انصاف نے کہا کہ اللہ کی طرف سب سے زیادہ کوڑے سوشل میڈیا والوں کو پڑیں گے جو سنسنی خیز خبروں کے لیے لوگوں کی زندگی میں دخل اندازی کرتے ہیں،۔

اداکارہ نے آخر میں شعیب ملک اور ثنا جاوید کو مبارک دیتے ہوئے کہا کہ یہ بہت خوشی کی بات ہے لیکن دونوں کو چاہیے کہ سوشل میڈیا سے بچیں جو ان کے خلاف فضول باتیں کررہے ہیں۔

یاد رہے کہ 20 جنوری 2024 کو شعیب ملک نے اداکارہ ثنا جاوید کے ساتھ شادی کی تصاویر شئیر کرکے دوسری بار شادی کے بندھن میں بندھنے کی تصدیق کی تھی، انہوں نے کیپشن میں لکھا ’الحمد للہ‘۔

دونوں کی ایک دوسرے کے ساتھ دوسری شادی ہے، شعیب ملک کی پہلی شادی بھارتی ٹینس اسٹار جبکہ ثنا جاوید نے پہلی شادی گلوکار عمیر جیسوال سے کی تھی۔