عوام پاکستان پارٹی کے نام پر اعتراض؛ وجہ؟

🗓️ 10 جولائی 2024

سچ خبریں: ’ہم عوام پاکستان پارٹی‘ کے چیئرمین نے الیکشن کمیشن میں اعتراض کیا ہے کہ عوام پاکستان پارٹی کا نام ہماری پارٹی سے ملتا جلتا ہے لہذا  الیکشن ایکٹ کے مطابق یہ پارٹی کے طور پر درج نہیں ہو سکتی۔

چیئرمین ’ہم عوام پاکستان پارٹی‘ محمد امجد چوہدری نے الیکشن کمیشن سے رابطہ کیا جس میں انہوں نے کہا کہ عوام پاکستان پارٹی کا نام ہماری جماعت سے ملتا جلتا ہے۔

یہ بھی پڑھیں: عوام پاکستان پارٹی کس نے اور کیوں بنائی ہے؟

انہوں نے کہا کہ عوام پاکستان کو بطور جماعت درج نہ کیا جائے، الیکشن ایکٹ کے مطابق ہر سیاسی جماعت کا الگ نام ہونا چاہیے۔

محمد امجد چوہدری کا کہنا تھا کہ ہماری جماعت 5،4 سال سے موجود ہے اور ہمارا ووٹ بینک ہے، اگر ایک نام سے جماعت درج ہوئی تو ہمارا ووٹ بینک متاثر ہو گا۔

مزید پڑھیں: مفتاح اسمٰعیل اور شاہد خاقان عباسی کی نئی پارٹی

واضح رہے کہ شاہد خاقان عباسی نے عوام پاکستان پارٹی کے نام سے سیاسی جماعت بنانے کا اعلان کیا ہے۔