FATF اجلاس میں آج پاکستان کی قسمت کا ہوگا فیصلہ

?️ 24 فروری 2021

اسلام آباد{سچ خبریں}  FATF کے  تین  روزہ ورچوئل اجلاس  کے  آج آخری روز میں پاکستان سے متعلق فیصلہ سنایا جائے گا ۔

تفصیلا ت مطابق فرانس  میں  جاری اجلاس میں منی لانڈرنگ اور  دہشت گردی میں مالی معاونت کے خلاف پاکستان کے اقدامات کا جائزہ لیا    گیا ہے ۔

رپورٹ کے مطابق پاکستان 6 نکات پر عملدرآمد کی رپورٹ ایف اے ٹی ایف کو بھجوا چکا ہے ۔21 نکات پر عملدرآمد کے سلسلے میں پاکستان کے اقدامات کی ایف اے ٹی ایف پہلے ہی تعریف کر چکا ہے۔

واضح رہے کہ اس سے قبل FATF اجلاس میں امریکا، برطانیہ، فرانس، جرمنی، جاپان، چین، نیوزی لینڈ، آسٹریلیا، بھارت اور بھوٹان شریک ہو ئے تھے۔ گزشتہ اجلاس 14 جنوری کو ہواتھا۔  جس میں  بھوٹان کو بھارت کے اصرار پر حال ہی میں گروپ کا حصہ بنایا گیا ہے۔

انٹرنیشنل میڈیا کے مطابق اجلاس میں پاکستان کے دہشت گردوں کی مالی معانت روکنے کے اقدامات کو جانچا  گیا ہے  ، پاکستان کی جانب سے اب تک کئے گئے اقدامات پر بریفنگ دی جائے گی ، اس کے علاوہ اقوام متحدہ کی فہرست میں شامل افراد کی حالیہ سزاؤں کا بھی ذکر کیا جائے گا۔

یاد رہے کہ جوائنٹ گروپ کی رپورٹ ایف اے ٹی ایف پلانری اجلاس  جو آج ہورہاہے میں  پیش کی جائے گی ، پلانری اجلاس میں پاکستان کی گرے لسٹ میں رہنے یا نہ رہنے کا فیصلہ ہوگا۔