خاقان عباسی کا سینیٹ انتخابات کے متعلق عدلیہ پر فیصلہ سے قبل حملہ

?️ 23 فروری 2021

اسلام آباد{سچ خبریں} مسلم لیگ (ن) کے رہنما اور سابق وزیر اعظم شاہد خاقان عباسی نے عدلیہ پر حملہ بولتے ہوئے کہا ہے کہ عدل کا نظام ایک مذاق بن گیا ہے۔ سینیٹ الیکشن سے متعلق جو بھی فیصلہ آئے گا، متنازعہ ہو جائے گا۔

احتساب عدالت میں پیشی کے موقع پر میڈیا سے گفتگو میں سابق وزیر اعظم شاہد خاقان عباسی کا کہنا تھا کہ آئین کو بدلنا صرف پارلیمان کا اختیار ہے لیکن حکومت آرڈیننس کے ذریعے آئین بدلنا چاہتی ہے۔

این اے 75 ضمنی انتخاب پولینگ اسٹیشسن سے غائب ہونے والے افسران کے شاہد عباسی کا اہم بیان

لیگی رہنما نے کہا کہ پارلیمان والے حکومت سے تنگ لیکن پارلیمان سے جو باہر ہیں وہ زیادہ تنگ ہیں۔ لوگ کرپٹ اور الیکشن چوری کرنے والی حکومت کے ساتھ نہیں چلنا چاہتے۔

سابق وزیراعظم نے کہا کہ ڈسکہ میں جو ہوا اس پر آر او مل رہا ہے نہ چیف سیکرٹری، وزیراعظم نے کہا 20 پولنگ سٹیشن میں ری پولنگ کرا لیں، بات ری پولنگ کی نہیں یہ حکومت دھونس جما رہی ہے۔