عثمان بزدار کے خلاف تحریک عدم اعتماد

?️

اسلام آباد(سچ خبریں) وزیراعظم عمران خان کے بعد وزیر اعلیٰ پنجاب عثمان بزدار کے خلاف بھی تحریک عدم اعتماد جمع کروادی گئی۔تحریک عدم اعتماد اپوزیشن ارکان کی طرف سے جمع کروائی گئی ہے۔عدم اعتماد کی تحریک کے ساتھ اسمبلی اجلاس کی ریکوزیشن مسلم لیگ (ن) اور پیپلزپارٹی کے اراکین کے دستخط کے ساتھ سیکریٹری پنجاب اسمبلی محمد خان بھٹی کو جمع کرائی گئی۔

سیکریٹری پنجاب اسمبلی کے جاری کردہ باضابطہ بیان کے مطابق تحریک عدم اعتماد اور اجلاس کی ریکوزیشن اپوزیشن اراکین اسمبلی رانا مشہود احمد خان، ملک ندیم کامران، سمیع اللہ خان، میاں نصیر، رمضان صدیق بھٹی کے علاوہ سید حسن مرتضیٰ و دیگر اراکین اسمبلی نے جمع کروائیں۔

بیان میں بتایا گیا کہ عدم اعتماد کی تحریک 127 اراکین اسمبلی کے دستخطوں سے سیکریٹری پنجاب اسمبلی محمد خان بھٹی کو اُن کے آفس میں جمع کروائی گئی۔

بیان میں یہ بھی کہا گیا کہ اپوزیشن نے 120 اراکین اسمبلی کے دستخطوں سے اجلاس کی ریکوزیشن بھی جمع کروائی۔

سیکریٹری پنجاب محمد خان بھٹی نے تصدیق کی کہ اپوزیشن کی جانب سے تحریک عدم اعتماد اور اسمبلی اجلاس کی ریکوزیشن موصول ہو گئی ہے۔

انہوں نے کہا کہ قواعد و ضوابط کے مطابق تحریک عدم اعتماد اور اسمبلی اجلاس کی ریکوزیشن اسپیکر پنجاب اسمبلی کو پیش کی جائے گی جس اس پر قانون اور آئین کے مطابق کارروائی کریں گے۔

قرار داد کے متن میں کہا گیا ہے کہ وزیراعلیٰ پنجاب عثمان بزدار پر اس ایوان کی اکثریت کا اعتماد نہیں رہا اور صوبے کے معاملات آئین کے مطابق نہیں چلائے جارہے۔

قرار داد میں کہا گیا کہ وزیراعلیٰ نے صوبہ پنجاب میں جمہوری روایات کا قلع قمع کیا ہے لہٰذا یہ ایوان ان پر عدم اعتماد کا اظہار کرتا ہے۔

قواعد و ضوابط کے مطابق تحریک عدم اعتماد جمع ہونے کے بعد وزیر اعلی پنجاب اب صوبائی اسمبلی تحلیل نہیں کر سکتے اور اسپیکر 14 روز کے اندر اجلاس بلانے کے پابند ہیں۔

اپوزیشن کی جانب سے تحریک عدم اعتماد ایوان میں پیش کرنے کے لیے آئین کی دفعہ 154 (3) اور 127 کے تحت اسمبلی کا اجلاس طلب کرنے کی بھی ریکوزیشن جمع کرائی گئی۔

اس حوالے سے بات کرتے ہوئے مسلم لیگ (ن) کے رہنما رانا مشہود نے بتایا کہ تحریک عدم اعتماد پر مسلم لیگ (ن) کے 122 اراکین اسمبلی اور پیپلزپارٹی کے 6 اراکین اسمبلی کے دستخط موجود ہیں۔

ان کا کہنا تھا کہ آئین کے مطابق عدم اعتماد کی تحریک پر 74 اراکین صوبائی اسمبلی کے دستخط کا ہونا ضروری ہے۔

ساتھ ہی رانا مشہود نے یہ بھی کہا کہ اسمبلی کا اجلاس طلب کرنے کی ریکوزیشن پر 100 مسلم لیگ (ن) اور 6 پیپلز پارٹی کے اراکین کے دستخط موجود ہیں۔انہوں نے مزید کہا کہ ہم سمجھتے ہیں کہ عمران خان اور عثمان بزدار کا جانا ٹھہر چکا ہے۔

خیال رہے کہ وزیراعلیٰ عثمان بزدار کے خلاف تحریک عدم اعتماد ایسے وقت جمع کرائی گئی ہے کہ جب آج (پیر کو) ہی وزیراعظم کے خلاف عدم اعتماد کی تحریک قومی اسمبلی میں پیش کیے جانے کا امکان ہے۔

یاد رہے کہ اپوزیشن اراکین کی جانب سے عمران خان کے خلاف 8 مارچ کو تحریک عدم اعتماد اور قومی اسمبلی اجلاس کی ریکوزیشن جمع کرائی گئی تھی جس پر اسپیکر نے 14 روز کی مدت گزرنے کے 3 روز بعد 25 مارچ کو اجلاس بلایا تھا۔

مشہور خبریں۔

ایران کے خلاف جنگ کے 32 دن: عالمی میڈیا میں کا رد عمل

?️ 1 اپریل 2026سچ خبریں:ایران کے خلاف جاری جنگ کے 32 دن مکمل ہونے پر

اپوزیشن کی عدم اعتماد کی تحریک کو خوش آمدید کہتے ہیں: غلام سرور

?️ 19 فروری 2022اسلام آباد(سچ خبریں) وفاقی وزیر ہوا بازی غلام سرور خان کا کہنا

ترکی اور امریکہ کا شام کے مستقبل میں کردار ادا کرنے پر تبادلہ خیال

?️ 14 دسمبر 2024سچ خبریں:ترکی اور امریکہ کے وزرائے خارجہ نے شام کے مستقبل میں

پٹرولیم مصنوعات کی قمیتو مین پھر اضافے کی تجویز

?️ 15 جولائی 2021اسلام آباد (سچ خبریں) اوگرا نے پٹرولیم مصنوعات کی قیمتوں میں ساڑھے11روپے

بانی پی ٹی آئی کا حکومت سے اہم سوال

?️ 4 اگست 2024سچ خبریں: پاکستان تحریک انصاف کے بانی چیئرمین اور سابق وزیراعظم عمران

ٹک ٹاک نے انسٹاگرام طرز کے نئے فیچر ’بلٹن بورڈز‘ کی آزمائش شروع کردی

?️ 30 جون 2025سچ خبریں: شارٹ ویڈیو شیئرنگ پلیٹ فارم ٹک ٹاک نے سوشل شیئرنگ

برطانیہ کو دوسری جنگ عظیم کے بعد بدترین معاشی صورتحال کا سامنا

?️ 11 جولائی 2024سچ خبریں: برطانوی وزیر خزانہ ریچل ریوز نے ملک کی معاشی صورتحال کو

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے