?️
راولپنڈی: (سچ خبریں) ڈی جی آئی ایس پی آر لیفٹیننٹ جنرل احمد شریف چوہدری کا کہنا ہے کہ دہشت گرد ہندوستان کے پیروکار ہیں، یہ قوم اور فوج ہمیشہ سے ایک تھی اور ایک رہے گی۔
تفصیلات کے مطابق خیبرپختونخواہ کی مختلف جامعات کے 2500 سے زائد طلبہ نے پاک فوج کے ترجمان ڈی جی آئی ایس پی آر کے ساتھ خصوصی نشست میں شرکت کی، جس کا مقصد نوجوانوں میں حب الوطنی کا جذبہ مزید اجاگر کرنا اور قومی یکجہتی کو فروغ دینا تھا۔
نشست کے دوران نوجوانوں میں جوش و خروش دیدنی تھا، ہر طرف سبز ہلالی پرچموں کی بہار، ملی نغموں کی گونج اور "پاکستان ہمیشہ زندہ باد” کے فلک شگاف نعرے فضا کو گرما رہے تھے، اس موقع پر پختون طلبہ نے نا صرف اپنی قومی یکجہتی کا مظاہرہ کیا بلکہ دشمن کو واضح پیغام دیا کہ پاکستان کی طرف میلی آنکھ سے دیکھنے والوں کو عبرت کا نشان بنا دیا جائے گا۔
بتایا گیا ہے کہ طلباءنے پاک فوج سے اپنی بھرپور وابستگی کا اظہار کیا اور قومی سلامتی کے لیے افواجِ پاکستان کی قربانیوں کو سراہا، ” پاک فوج زندہ باد” اور "کشمیر بنے گا پاکستان” کے نعرے بار بار بلند ہوتے رہے جنہوں نے اس اجتماع کو ایک قومی جوش و جذبے کے مظہر میں بدل دیا، یہ نشست نہ صرف ایک تعلیمی سرگرمی تھی بلکہ یہ قومی شعور اور اتحاد کا پیغام لے کر آئی، جس نے نوجوانوں میں نئی توانائی اور ذمہ داری کا احساس پیدا کیا۔
اس موقع پر خطاب کرتے ہوئے ڈی جی آئی ایس پی آر لیٹیننٹ جنرل احمد شریف چوہدری نے کہا کہ بھارت نے سوچا جب ہم حملہ کریں گے تو پاکستان جواب نہیں دے گا، آپ نے دیکھا آپ سب کس طرح اپنے ملک کے پیچھے کھڑے ہوئے، اپنے ملک کے پیچھے پورا پاکستان کھڑا ہوا، اللہ کے حکم سے یہ آہنی دیوار کھڑی ہوئی، آہنی دیوار نے وہ تمام غلط حکمت عملی جو بھارت اور مودی نے کی تھی اس کو غلط ثابت کیا۔
ان کا کہنا ہے کہ آپ کے آرمی چیف نے فیصلہ کیا اور ہندوستان کے 26 مقامات کو نشانہ بنانے کا حکم دیا، جس بریگیڈ ہیڈکوارٹر کے حکم پر معصوم ارتضی کو شہید کیا ہم نے اس کو تباہ کیا، جن ائیر بیسز سے جہازوں نے پاکستان پر حملہ کیا ہم نے وہ ائیر بیسز تباہ کیں، ان لوگوں سے سوال بنتا ہے جو یہ سمجھتے تھے کہ پاکستان کے عوام اور فوج ایک دوسرے سے دور ہیں، ایسا ہر گز نہیں، یہ قوم، یہ فوج ہمیشہ سے ایک تھی اور ایک رہے گی۔
لیفٹیننٹ جنرل احمد شریف چوہدری نے مزید کہا کہ بلوچستان میں فتنہ الہندوستان کے دہشتگرد ہیں، یہ سب دہشت گرد ہندوستان کے پیروکار ہیں، خارجی نورولی کہتا ہے شریعت میں اجازت ہے آپ کافر سے مدد لے سکتے ہیں مگر اسلام میں کفر اور حق آپس میں اکٹھے نہیں ہوسکتے، افغان بھائیوں سے کہتے ہیں تم بھارت کے آلہ کار نہ بنو، اس خطے اور پاکستان میں جتنی دہشت گردی ہوتی ہے اس کے پیچھے بھارت کا چہرہ ہے، ہم امن پسند ہیں اور امن کو ترجیح دیتے ہیں، ہمارا پہلا انتخاب امن ہے لیکن اگر تم نے دوبارہ یہ حماقت کی تو ہماراجواب اس سے بھی شدید ہوگا۔
مشہور خبریں۔
عراق کے شام کے ساتھ مشترکہ سرحدوں کے قریب سخت سیکورٹی اقدامات
?️ 8 جنوری 2025سچ خبریں:عراق نے موجود حالات کے پیش نظر شام کے ساتھ ملحقہ
جنوری
کیا امریکہ مشرق وسطیٰ میں اپنی فوجی موجودگی باقی رکھ سکے گا؟
?️ 30 ستمبر 2024سچ خبریں: وائٹ ہاؤس کی قومی سلامتی کونسل کے ترجمان نے لبنان
ستمبر
کورونا سے مزید 102 مزید افراد جان کی بازی ہار گئے
?️ 12 اگست 2021اسلام آباد (سچ خبریں) ملک بھر میں کورونا وائرس کی چوتھی لہر
اگست
پوری اتحادی حکومت نے موجودہ بینچ پر عدم اعتماد کا اظہار کیا، وزیر اعظم
?️ 3 اپریل 2023اسلام آباد: (سچ خبریں) وزیراعظم شہباز شریف نے قومی اسمبلی میں خطاب
اپریل
صیہونی ریاست میں خواتین کے ساتھ کیا ہوتا ہے،صیہونی میڈیا کا انکشاف
?️ 18 جولائی 2023سچ خبریں:حال ہی میں شائع ہونے والی ایک رپورٹ میں اس عبرانی
جولائی
صیہونی حزب اللہ سے بچنے کے لیے کیا کر رہے ہیں؟
?️ 16 جولائی 2023سچ خبریں: ممتاز عربی تجزیہ نگار نے نشاندہی کی کہ صیہونی کسی
جولائی
یمن کے سقطری ہوائی اڈے پر صیہونیوں کے لیے جاسوسی مرکز کا قیام
?️ 15 ستمبر 2021سچ خبریں:باخبر ذرائع نے اطلاع دی ہے کہ متحدہ عرب امارات نے
ستمبر
شہزاد اکبر اور نذیر چوہان کے درمیان صلح ہوگئی
?️ 2 اگست 2021لاہور (سچ خبریں) پاکستان تحریک انصاف (پی ٹی آئی) کے رکن پنجاب
اگست