گورنر پنجاب کا سیلاب زدگان کی بحالی کے لیے ریڈ کریسنٹ کو ایک کروڑ روپے عطیہ

?️ 5 ستمبر 2025

اسلام آباد (سچ خبریں) گورنر پنجاب سردار سلیم حیدر خان کی طرف سے سیلاب زدگان کی بحالی کے لیے ریڈ کریسنٹ کو ایک کروڑ روپے عطیہ دیا گیا۔

گورنر پنجاب سردار سلیم حیدر خان نے کہا کہ مشکل کی اس گھڑی میں پنجاب حکومت اور میں ایک پیج پر ہیں، اس سال آنے والا سیلاب پنجاب کے سیلاب سے متاثرہ خاندانوں کو ساری زندگی کے غم دے گیا۔

انہوں نے کہا کہ جب تک سیلاب متاثرین اپنے گھروں کو لوٹ نہیں جاتے پیپلز پارٹی ان کو ہر ممکن مدد فراہم کرے گی، ریڈ کریسنٹ کے ذریعے سیلاب زدہ علاقوں میں میڈیکل کیمپ لگائے جا رہے ہیں۔

سردار سلیم حیدر خان نے کہا کہ راشن، دوائیاں، کھانے پینے کی اشیاء مہیا کی جا رہی ہیں، پنجاب حکومت کے ساتھ مل کر سیلاب زدگان کی بحالی کا عمل جاری رہے گا۔