گورنر پنجاب کا اسرائیلی دہشتگردی کیخلاف شدید ردعمل کا اظہار

?️ 12 مئی 2021

لاہور (سچ خبریں) گورنر پنجاب چوہدری محمد سرور نے  اسرائیلی دہشت گردی کیخلاف شدید ردعمل کا اظہار کرتے ہوئے کہا ہے کہ صرف مذمت کرنےسےکچھ نہیں ہوگا، اس حوالے سے اسلامی ممالک کوعملی اقدامات کرنا ہوں گے، اسرائیلی دہشت گردی پر خاموشی اختیار کرنا اور خاموش تماشائی بننا جرم ہے۔

تفصیلات کے مطابق گورنر پنجاب چوہدری محمد سرور نے سماجی رابطے کی ویب سائٹ ٹوئٹر پر اسرائیلی دہشت گردی کی ویڈیوشیئر کرتے ہوئے کہا مظلوم فلسطینیوں پراسرائیلی دہشت گردی دیکھ کردل خون کےآنسوروتاہے۔

ان کا کہنا تھا کہ اسرائیلی دہشت گردی کیخلاف اسلامی ممالک کواتحاد کا مظاہرہ کرتے ہوئے عملی اقدامات کر نا ہونگے، اسلامی ممالک کےصرف مذمت کرنےسےکچھ نہیں ہوگا اسرائیلی دہشت گردی پرخاموشی بھی کسی جرم سےکم نہیں ہوگی‌۔

چوہدری محمد سرور کا کہنا تھا کہ اقوام متحدہ اورانسانی حقوق کےعالمی ادارےخاموش تماشائی بنےہوئےہیں، پاکستانی عوام اورحکومت اپنےفلسطینی بہن بھائیوں کیساتھ متحدکھڑےہیں، 20سے زائد فلسطینیوں کا قتل بدتر ین اسرائیلی دہشت گردی کا ثبوت ہے، جب تک مسئلہ فلسطین حل نہیں ہوگا دنیا میں کبھی امن قائم نہیں ہوسکتا۔

کئی سالوں سے اپنی آزادی کے لئے لڑنے والی فلسطینی بہادر قوم کے حوالے سے ان کا کہنا تھا کہ آزادی کے لیے جرات کیساتھ دشمن کا مقابلہ کر نیوالی فلسطینی عوام کو سلام پیش کرتے ہیں جو کئی برسوں سے اسرائیلی جارحیت کا مقابلہ کر رہے ہیں۔