کے پی کے حکومت نے ایمل ولی خان کو سیکیورٹی اہلکار واپس دے دیے

?️

پشاور: (سچ خبریں) کے پی کے حکومت کی جانب سے عوامی نیشنل پارٹی (اے این پی) کے سربراہ ایمل ولی خان کو سیکیورٹی اہلکار واپس دے دیے گئے۔

ڈان نیوز کے مطابق خیبر پختونخوا حکومت نے موقف دیتے ہوئے کہا ہے کہ صوبائی حکومت نے ایمل ولی خان کی سیکیورٹی میں کسی قسم کی کمی یا واپسی نہیں کی۔

صوبائی حکومت کے ترجمان کا کہنا تھا کہ ایمل ولی سے مرضی اور اعتماد کے اہلکاروں کی فہرست حاصل کی گئی ہے تاکہ انہیں سیکیورٹی فراہم کی جا سکے۔

انہوں نے مزید کہا کہ ایمل ولی خان کو ضروری سیکیورٹی پہلے ہی فراہم کی جا رہی ہے، عوام بے بنیاد پراپیگنڈوں کے بجائے سرکاری ذرائع سے جاری معلومات پر انحصار کریں۔

صوبائی حکومت کے ترجمان کا کہنا تھا کہ عوامی نیشنل پارٹی کےسربراہ نے ریجنل پولیس آفیسر کو اپنے قابلِ اعتماد اہلکاروں کے نام فراہم کر دیے ہیں، حالات کے پیش نظر ان کے اعتماد کے اہلکاروں کو سیکورٹی پر مامور کیا جائے گا۔

ترجمان کے مطابق وزیراعلیٰ علی امین گنڈا پور نے حکم دیا ہے کہ اگر ایمل ولی خان کو مزید اہلکار درکار ہوں تو فوری طور پر فراہم کیے جائیں۔ صوبائی حکومت ایمل ولی خان کی حفاظت کو اولین ترجیح سمجھتی ہے، کسی سطح پر غفلت برداشت نہیں کی جائے گی،

اس سے قبل، عوامی نیشنل پارٹی کے مرکزی ترجمان نے بیان جاری کیا تھا جس میں دعویٰ کیا گیا تھا کہ پارٹی کے مرکزی صدر سینیٹر ایمل ولی سے وفاقی سیکیورٹی کے بعد خیبرپختونخوا پولیس بھی واپس لے لی گئی ہے۔

انہوں نے مزید کہا کہ ایمل ولی کی سیکیورٹی پر تعینات صوبائی پولیس اہلکاروں کو لائن حاضرکردیا گیا۔

ترجمان کے مطابق ایمل ولی خان کو درپیش خطرات سے متعلق پہلے ہی متعدد بار حکومت کو آگاہ کیا جا چکا ہے، مگر اس کے باوجود سیکورٹی ہٹانے کا فیصلہ سمجھ سے بالاتر ہے۔

ذاتی طور پر ان کی سیکیورٹی ڈیوٹی کروں گا، بیرسٹر سیف

دوسری جانب، مشیر اطلاعات خیبرپختونخوا بیرسٹر سیف نے ایک بیان میں کہا ہے کہ ایمل ولی خان پریشان نہ ہوں وزیراعلیٰ کے احکامات کے مطابق ان کی سیکیورٹی یقینی بنائیں گے۔

ان کا کہنا تھا کہ ایمل ولی خان سے سیاسی اختلاف کے باوجود ان کی مکمل حفاظت کی جائے گی، ضرورت پڑی تو میں ذاتی طور پر ان کی سیکیورٹی ڈیوٹی کروں گا۔

انہوں نے مزید کہا کہ ایمل ولی خان کو وفاقی حکومت کے اوچھے ہتھکنڈوں کے سامنے تنہا نہیں چھوڑیں گے۔

واضح رہے کہ سینیٹر ایمل ولی خان نے سوشل میڈیا سائٹ ’ایکس‘ پر ایک پوسٹ میں دعویٰ کیا تھا کہ وفاقی وزارتِ داخلہ نے ان اور ان کے خاندان کو فراہم کی جانے والی تمام سرکاری سیکیورٹی واپس لے لی ہے۔

مشہور خبریں۔

غزہ میں انسانی امداد کا مشکوک امریکی منصوبہ تاخیر کا شکار

?️ 25 مئی 2025 سچ خبریں:امریکہ کا غزہ میں انسانی امداد کی تقسیم کا منصوبہ

امریکی جریدے کا ایران میں حالیہ کشیدگی پر پاکستان کی بہترین سفارتکاری کا اعتراف

?️ 10 جنوری 2026اسلام آباد (سچ خبریں) ایران میں حالیہ کشیدگی پر پاکستان کی بہترین

یمن کی تحریک انصار اللہ کے خلاف امریکہ کی نئی پابندیاں

?️ 13 ستمبر 2025سچ خبریں: امریکی وزارت خزانہ نے ایک بیان جاری کرتے ہوئے کہا

فلسطینیوں کو جیل کے بجائے قبرستان بھیجا جائے:انتہاپسند صیہونی رکن کنسٹ

?️ 25 جولائی 2022سچ خبریں:ایک صیہونی انتہاپسند رکن کنسیٹ فلسطینیوں کے خلاف زہریلا موقف اختیار

مشرقی بحرالکاہل میں ایک کشتی پر امریکی حملہ

?️ 17 جون 2026سچ خبریں:امریکی فوج نے ایک بار پھر منشیات کے خلاف کارروائی کے

بحرین کی اسلامی مزاحمت کی ایران کے خلاف کسی بھی امریکی مہم جوئی پر سخت وارننگ

?️ 29 جنوری 2026بحرین کی اسلامی مزاحمت کی ایران کے خلاف کسی بھی امریکی مہم

غزہ جنگ میں امریکہ نے اب تک صیہونی حکومت کی کتنی مالی امداد اور اسلحہ جاتی امداد کی ہے؟

?️ 13 اپریل 2024سچ خبریں: امریکی میڈیا رپورٹس کے مطابق غزہ کے خلاف صیہونی حکومت

تحریک انصاف کی مالی دستاویزات کی جانچ پڑتال شروع ہو گئی

?️ 30 اپریل 2021اسلام آباد(سچ خبریں)  حکمران جماعت پاکستان تحریک انصاف (پی ٹی آئی) کی

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے