کٹھ پتلی حکومت انتخابات سے قبل مجھے نااہل یا گرفتار کروانا چاہتی ہے، عمران خان

?️

اسلام آباد:(سچ خبریں) سابق وزیراعظم اور چیئرمین پاکستان تحریک انصاف (پی ٹی آئی) عمران خان نے کہا ہے کہ حکومت انتخابات سے خوفزدہ ہے اور مبینہ ’لندن پلان‘ کے تحت آئندہ انتخابات سے قبل انہیں گرفتار یا نااہل کروانا چاہتی ہے۔

عمران خان نے کہا کہ موجودہ کٹھ پتلی حکومت پی ٹی آئی کو انتخابی مہم چلانے سے روکنے کے لیے ہر طرح کے حربے استعمال کر رہی ہے۔

پی ٹی آئی سربراہ نے یہ باتیں پارٹی صدر چوہدری پرویز الٰہی سے گفتگو کے دوران کہیں جنہوں نے گزشتہ روز صبح ان سے زمان پارک میں ان کی رہائش گاہ پر ملاقات کی، انہوں نے واضح کیا کہ بروقت انتخابات کے انعقاد کے حوالے سے سپریم کورٹ کے آئینی حکم کی راہ میں کوئی رکاوٹ قبول نہیں کی جائے گی۔

ایک گھنٹے تک جاری رہنے والی ملاقات میں دونوں رہنماؤں نے صوبے کی سیاسی صورتحال کے علاوہ آئینی اور قانونی امور پر تبادلہ خیال کیا، انہوں نے زمان پارک کے باہر پارٹی کارکنان کے خلاف پولیس آپریشن کی مذمت کی۔

پی ٹی آئی سربراہ نے کہا کہ حکومت پرتشدد ہتھکنڈوں میں بہت آگے نکل چکی ہے، پارٹی کارکنوں قابل تعریف ہیں جو حکومت کے تمام ہتھکنڈوں کے خلاف ڈٹ کر کھڑے رہے۔

پرویز الہٰی نے کہا کہ نگران پنجاب حکومت کی جانب سے استعمال کیے جانے والے ہتھکنڈے انتخابات کی راہ میں رکاوٹ نہیں بن سکیں گے، زمان پارک آپریشن مسلم لیگ (ن) کے رہنماؤں کی ذاتی خواہش پر کیا گیا۔

پرویز الہٰی نے الزام عائد کیا کہ پنجاب میں نگراں حکومت مخالفین کے آئینی، سیاسی اور انسانی حقوق کی خلاف ورزی کر رہی ہے، اعلیٰ عدلیہ کو چاہیے کہ موجودہ حکمرانوں کے اِن ہتھکنڈوں کا نوٹس لے اور اس بات کو یقینی بنائے کہ انتخابات آئینی مدت کے اندر ہوں۔

انہوں نے کہا کہ حکمرانوں میں عوام کا سامنا کرنے کی ہمت نہیں ہے، عمران خان کا پیغام گھر گھر پہنچ چکا ہے، حکمرانوں کو ووٹ کی طاقت سے شکست دیں گے۔

بعد ازاں سابق اسپیکر قومی اسمبلی اسد قیصر اور سینیٹر ذیشان خانزادہ نے پرویز الہٰی سے ان کی رہائش گاہ پر ملاقات کی اور ملک کی سیاسی صورتحال سمیت پنجاب اور خیبرپختونخوا میں انتخابی منظر نامے پر تبادلہ خیال کیا۔

پرویز الہٰی اور اسد قیصر نے کہا کہ نگراں وزیر اطلاعات عامر میر نے پختونوں کو دہشت گرد کہہ کر ان کے جذبات کو ٹھیس پہنچائی ہے، ایسا رویہ ملک کے مفاد میں نہیں ہے، پختون دہشت گرد نہیں بلکہ محب وطن ہیں۔

ان کا کہنا تھا کہ عمران خان کا سب سے عظیم اقدام چاروں صوبوں کے ساتھ ساتھ گلگت بلتستان کے لوگوں میں بھائی چارہ پیدا کرنا ہے۔

سابق وزیر اعلیٰ پنجاب نے کہا کہ عمران خان نے ہمیشہ قانون اور عدلیہ کا احترام کیا ہے جبکہ نااہل حکمران جمہوریت کو نقصان پہنچا رہے ہیں اور پاکستان کے آئین کی بے حرمتی کر رہے ہیں۔

انہوں نے کہا کہ عمران خان کے خلاف مقدمات مسلم لیگ (ن) کی خواہش پر درج کیے گئے، نواز شریف پاکستان سے فرار ہیں اور باہر بیٹھ کر عدلیہ اور عمران خان کے خلاف بدنیتی پر مبنی مہم چلا رہے ہیں، دنیا بھر میں لوگ عمران خان کے ظلم کے خلاف سراپا احتجاج ہیں۔

مشہور خبریں۔

شمالی وزیرستان میں پاک فوج کا جوان شہید ہو گیا

?️ 5 اکتوبر 2021خیبر پختونخواہ(سچ خبریں) خیبر پختونخوا کے قبائلی ضلع شمالی وزیرستان میں مبینہ

افغانستان کی زمین پاکستان کےخلاف دہشت گردی کیلئے استعمال ہورہی ہے، جان اچکزئی

?️ 11 دسمبر 2023کوئٹہ: (سچ خبریں) نگران وزیر اطلاعات بلوچستان جان اچکزئی نے کہا ہے

ایران میں دنیا کے سب سے بڑے دفاعی نظام کو شکست دینے کی طاقت

?️ 10 اکتوبر 2024سچ خبریں: قابض حکومت کی شرارتوں اور دہشت گردانہ جرائم کے جواب

بلوچستان میں فوج کے دو جوان شہید ہو گئے

?️ 24 دسمبر 2021کوئٹہ (سچ خبریں) تفصیلات کے مطابق پاک فوج کے شعبہ تعلقات عامہ

آکساگون سعودی حکومت کے نیوم پروجیکٹ کا اہم موڑ

?️ 4 دسمبر 2021سچ خبریں : Oxagon کو سعودی ولی عہد کے نئے منصوبے کا اہم موڑ

ارشد شریف کی پوسٹ مارٹم تصاویر لیک، پمز ہسپتال کی تحقیقاتی کمیٹی کا اجلاس طلب

?️ 13 نومبر 2022اسلام آباد:(سچ خبریں)  کینیا میں قتل ہونے والے صحافی ارشد شریف کی

اس سال اربعین عراق کی تاریخ کا سب سے بڑا اجتماع

?️ 11 ستمبر 2022سچ خبریں:     آج اتوار، 11 ستمبر عتبہ حسینی (ع) کے ترجمان

غزہ میں جاری مظالم عالمی شرم کا باعث ہیں:بیلجیئم

?️ 9 مئی 2025سچ خبریں:بیلجیئم کے وزیر خارجہ ماکسیم پرووت نے غزہ میں اسرائیلی مظالم

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے