کورونا ویکسینیشن مراکز عید کے 2 دن بند ہوں گے: اسد عمر

?️ 11 مئی 2021

اسلام آباد(سچ خبریں) نیشنل کمانڈ اینڈ آپریشن سینٹر کے سربراہ سد عمر کا کہنا ہے کہ کورونا ویکسینیشن مراکز صرف عید کے 2 دن بند ہوں گے، مستقل کوشش سے ویکسین کی فراہمی ،گنجائش دونوں مسلسل بڑھ رہی ہے۔کل سے 40 سال سے زائد کے رجسٹرڈ افراد کسی بھی مرکز سے ویکسی نیشن کراسکتے ہیں۔

تفصیلات کے مطابق نیشنل کمانڈ اینڈ آپریشن سینٹر کے سربراہ سد عمر نے سماجی رابطے کی ویب سائٹ ٹوئٹر پر اپنے بیان میں کہا ہے کہ کل 12 مئی سے 40 سال سے زائد کے رجسٹرڈ افراد کسی بھی مرکز سے ویکسی نیشن کراسکتے ہیں، ویکسی نیشن مراکز صرف عید کے2دن بند ہوں گے۔

اسد عمر کا کہنا تھا کہ بزرگوں سے ویکسی نیشن شروع کرنےکی وجہ عالمی سطح پرمحدودفراہمی ہے، ایک اور وجہ ملک میں ویکسی نیشن کی گنجائش بھی ہے، وفاقی وزیر نے کہا لہذاضروری ہے سب سے زیادہ کمزور افراد کو ویکسی نیشن لگائی جائے، کوروناوائرس سےاموات کاخطرہ عمرکےساتھ تیزی سےبڑھتا ہے۔

ان سی او سی کے سربراہ کا کہنا تھا کہ 40سال سے کم عمر افراد میں اموات کی شرح ایک فیصد ، 41سے50سال کےافرادمیں اموات کی شرح 1.8فیصدہے، 51سے60سال کےافرادمیں اموات کی شرح3.8فیصد ، 61سے70سال کےافرادمیں اموات کی شرح 7.2 ، 71سے80سال کےافرادمیں اموات کی شرح 11.1 اور 80سال سےزائدعمرکےافرادمیں اموات کی شرح 15 فیصد ہے۔

انھوں نے مزید کہا پاکستان کی 7فیصد آبادی 60سال سے زائد عمر افرادکی ہے، 60سال سےزائدعمر افراد میں کوروناسےاموات کی شرح 53فیصد اور 77فیصد جبکہ 40سال سےکم جن میں کورونا سے اموات کی شرح9 فیصد ہے۔