ڈینگی پر بھی قابو پایا جاسکتا ہے: شیخ رشید

?️ 14 اکتوبر 2021

اسلام آباد (سچ خبریں)وزیر داخلہ شیخ رشید نے کہا ہے کہ ڈینگی پر بھی قابو پایا جا سکتا ہے اگر ہم کورونا جیسے موذی مرض کا مقابلہ کرسکتے ہیں تو ڈینگی کا مقابلہ کیوں نہیں کر سکتے۔ ڈینگی کے مرض سے بچنے کے لیے عوام میں آگاہی مہم چلائی جائے اور ایسے عوام کو ختم کرنے کی ضرروت ہے جن سے ڈینگی پھیل رہا ہے۔

وزیر داخلہ شیخ رشید نے ہولی فیملی اسپتال راولپنڈی کے ڈینگی وارڈ کا معائنہ کیا، راولپنڈی میڈیکل یونیورسٹی کے وائس چانسلر نے وزیر داخلہ کو ڈینگی مرض سے متعلق بریفنگ دی۔اس موقع پر شیخ رشید نے اسپتال انتظامیہ کو ہدایت دی کہ ڈینگی کے مرض سے بچنے کے لیے عوام میں آگاہی مہم چلائی جائے۔

انہوں نے کہا کہ ڈینگی مرض پیدا کرنے والے عوامل کو ختم کرنے کی ضرورت ہے، ضلعی انتظامیہ اور صحت کے اداروں سے مل کر لائحہ عمل ترتیب دیا جائے۔واضح رہے کہ ملک بھر میں ڈینگی کے کیسز اور اموات میں اضافہ ہوتا جارہا ہے۔

یاد رہے کہ اسلام آباد میں گزشتہ 24 گھنٹوں میں ڈینگی کے  125  کیسز رپورٹ ہوئے ہیں جو کہ  اب تک کے سب سے زیادہ کیسز ہیں جس کے بعد دارالحکومت میں ڈینگی کےکُل کیسز 1528 ہوگئے۔ڈسٹرکٹ ہیلتھ آفیسر ( ڈی ایچ او ) کا کہنا ہے کہ 24 گھنٹوں میں اسلام آباد کے دیہی علاقوں سے ڈینگی کے 78 کیسز سامنے آئے ہیں، ان علاقوں میں ابتک 1015 افراد میں ڈینگی کی تصدیق ہوچکی ہے