چین سے کورونا ویکسین کی ایک اور بڑی کھیپ پاکستان پہنچے گی

?️ 13 جولائی 2021

اسلام آباد (سچ خبریں) چین سے کورونا ویکسین کی ایک اور بڑی کھیپ پاکستان پہنچے گی، چین سے کورونا ویکسین کی بیس لاکھ ڈوز آج پاکستان پہنچیں گی، پاکستان نے یہ ڈوز چینی کمپنی سے خریدی ہیں، رواں ماہ چینی کین سائنو ویکسین کے خام مال کی کھیپ بھی پاکستان کوملے گی۔

تفصیلات کے مطابق چین سے کورونا ویکسین کی ایک اور بڑی کھیپ پاکستان آنے کو تیارہے، چین سے 20لاکھ کورونا ویک ڈوز آج اسلام آباد لائی جائیں گی۔ذرائع کا کہنا ہے کہ پاکستان نے 20 لاکھ سائنو ویک ڈوز چینی کمپنی سےخریدی ہیں، رواں ماہ کوروناویکسین کی تقریبا ڈیڑھ کروڑڈوز پاکستان پہنچیں گی۔

ذرائع کے مطابق رواں ماہ 65 لاکھ کورونا ویکسین ڈوزپاکستان لائی جاچکی ہیں، جس میں چین سے 20 لاکھ سائنو فارم ، 20لاکھ سائینوویک ڈوزلائی گئیں۔ ذرائع نے بتایا کوویکس پاکستان کو رواں ماہ 25 لاکھ موڈرنا ویکسین ڈوز فراہم کر چکا ہے۔

جبکہ رواں ماہ چینی کین سائنو ویکسین کے خام مال کی کھیپ ملے گی۔ذرائع کا کہنا تھا کہ پاکستان کی خریدی ایک لاکھ فائزر ویکسین کی پہلی کھیپ رواں ماہ پہنچے گی جبکہ رواں ماہ ہی پاکستان کو کوویکس سے آسٹرازنیکا کی دوسری کھیپ ملے گی۔ واضح رہے کہ پاکستان میں حکام نے عالمی وباء کورونا وائرس کی چوتھی لہر کے بارے میں خبردار کر دیا ہے اور عید پر اسمارٹ لاک ڈاؤن کا عندیہ بھی دے دیا ہے۔