پی ٹی آئی رہنماؤں کی پریس کانفرنس

?️

اسلام آباد: (سچ خبریں) پی ٹی آئی  کے رہنما فواد چودھری اور فرخ حبیب نے کہا ہے کہ لیگی رہنماؤں نے اداروں کو ٹارگٹ کر لیا، یہ باقاعدہ منصوبے کے تحت ایکٹ کر رہے ہیں، "سو پیاز اور سو چھِتر” کا محاورہ ن لیگ پر فٹ آتا ہے، مولانا فضل الرحمان کا لہجہ بھی آئین سے باہر ہو رہا ہے، پنجاب ان کے ہاتھ سے نکل چکا، مسترد ٹولہ اپنی کرپشن کا تحفظ چاہتا ہے۔

میڈیا سے گفتگو کرتے ہوئے فواد چودھری کا کہنا تھا کہ پیپلز پارٹی اور ن لیگ سسلین مافیاز ہیں، مولانا فضل الرحمان بڑی عجیب باتیں کرتے ہیں، مولانا کو گفتگو کرنے کا سلیقہ نہیں ہے، فیصلوں پر تنقید کی جاسکتی ہے لیکن دھمکیوں پر نہیں اترنا چاہیے، حمزہ شہباز الیکٹڈ وزیراعلیٰ نہیں ہے، 529 سوشل میڈیا اکاؤنٹس کے ذریعے ججز کےخلاف مہم چلائی جارہی ہے، حمزہ شہباز 3 ماہ سے عدالتی فیصلوں کے تحت ہم پر مسلط ہے۔

سابق وفاقی وزیر نے مزید کہا کہ عدالت نے ڈپٹی سپیکر کو طلب کیا لیکن وہ نہیں آئے، فل کورٹ بنانا چیف جسٹس کا اختیار ہے، ن لیگ عدلیہ کو ٹارگٹ کر رہی ہے، یہ سپریم کورٹ پر کل حملے کا ارادہ رکھتے ہیں، مریم نواز کا جب کیس شروع ہوا تو انہوں نے کہا ہمارے پاس ویڈیوز ہیں، یہ ایک باقاعدہ منصوبے کے تحت ایکٹ کر رہے ہیں، ٹرسٹی اور خیراتی وزیراعلیٰ کی آئین میں کوئی حیثیت نہیں ہے۔

ان کا کہنا تھا کہ سپریم کورٹ کو بلیک میل کیا گیا تو ہمیں تشویش ہوگی، مولانا فضل الرحمان کا لحجہ آئین سے باہر ہو رہا ہے، وہ سپریم کورٹ کو تھریٹ کر رہے ہیں، ہم واحد حل انتخابات کو سمجھتے ہیں، الیکشن کمیشن کی تشکیل نو کی ضرورت ہے۔

فواد چودھری نے کہا کہ ہمیں عام انتخابات کی طرف بڑھنا ہے جس کے لیے بات چیت ضروری ہے، سپریم کورٹ کے آرڈر کی انہوں نے کل 2 بار توہین کی، 41 ممبران جنہوں نے پنجاب کابینہ میں حلف اٹھایا ان کے خلاف کارروائی ہونی چاہیے، موجودہ الیکشن کمیشن عام انتخابات کرانے کے قابل نہیں، نئے الیکشن کمیشن کی ضرورت ہے، موجودہ چیف الیکشن کمشنر کے ذریعے انتخابات نہیں ہوں گے۔

پی ٹی آئی رہنما فرخ حبیب نے کہا کہ جعلی وزیراعلیٰ کو ہم پر بٹھا دیا گیا ہے، پنجاب ان کے ہاتھ سے نکل چکا ہے، ضمنی انتخابات میں عوام نے ان کو مسترد کر دیا ہے، یہ مسترد شدہ لوگوں کا ٹولہ ہے، یہ لوگ اپنی کرپشن کا تحفظ چاہتے ہیں، ان سے کوئی ادارہ محفوظ نہیں ہے، یہ چوسنی لے کر اقتدار میں آئے تھے، 25 مئی کو انسانی حقوق کی خلاف ورزیاں کی گئیں، ان کی ہمیشہ کوشش ہوتی ہے کہ دباؤ پیدا کرکے اپنی مرضی کا فیصلہ لیں۔

سابق وزیر مملکت نے مزید کہا کہ ڈپٹی سپیکر چابی والا کھلونا ثابت ہوئے، ڈپٹی سپیکر نے فیصلے کی غلط تشریح کی، 50 روپے کے سٹام پر نواز شریف دوائی لینے گیا تھا اب تک واپس نہیں آیا، مریم نواز ضمانت پر ہیں اور سرکاری پروٹوکول لے کر پھر رہی ہیں، شہباز شریف پر کرپشن کیسز ہیں 2 سال سے ضمانت پر ہیں، ان کو ہر بار جسٹس (ر) قیوم چاہیے، یہ اب نہیں ہوگا، فیصلہ کن فورس پاکستان کےعوام ہیں یہ 17 جولائی کو ثابت ہوچکا ہے، حمزہ شہباز کو اچکن پہننے کا بہت شوق ہے، حمزہ شہباز برائیڈل فیشن شو میں جاکر اپنا شوق پورا کرلیں۔

مشہور خبریں۔

اسلام آباد ہائیکورٹ: ’لوگ پولیس، رینجرز کی وردیوں میں بندے اٹھا رہے ہیں، کسی کو پروا نہیں‘

?️ 2 جون 2023اسلام آباد: (سچ خبریں) سابق مشیر داخلہ و احتساب شہزاد اکبر کے

ممنوعہ فنڈنگ کیس میں حکومت کا عمران خان کی نااہلی کیلئے سپریم کورٹ میں ریفرنس دائر کرنیکا فیصلہ

?️ 3 اگست 2022اسلام آباد: (سچ خبریں) الیکشن کمیشن کی جانب سے ممنوعہ فنڈنگ کیس

غزہ کے مہاجرین کی واپسی سے دشمن کا خواب چکنا چور

?️ 27 جنوری 2025سچ خبریں: شمالی غزہ کی پٹی میں پناہ گزینوں کی واپسی پر

پاکستانی وفد کے دورہ اسرائیل کے بارے میں ہمیں علم نہیں تھا:اسلام آباد

?️ 23 مارچ 2025سچ خبریں: پاکستان کی وزارت خارجہ کے ترجمان شفقت علی خان نے

5 ہزار دن برزخ میں؛صیہونی جیل کی کہانی فلسطینی قیدی کی زبانی

?️ 11 جنوری 2023سچ خبریں:نمائشی عدالتیں اور ٹرائلز کا انعقاد نیز پہلے سے طے شدہ

دیالہ میں داعش کے جرائم کی نئی تفصیلات اور عراقی حکام کا ردعمل

?️ 27 اکتوبر 2021سچ خبریں: عراقی سیکورٹی ذرائع نے اطلاع دی ہے کہ داعش کے حملے

یمن جنگ بندی کی کتنی بار خلاف ورزی کی گئی؟

?️ 3 جون 2022سچ خبریں:یمن کی عارضی جنگ بندی کے اختتام پر صنعا میں ایک

پاکستان کا ایران میں دہشتگردوں کے ٹھکانوں پر حملہ

?️ 18 جنوری 2024اسلام آباد:(سچ خبریں) پاکستان نے ایران کی جانب سے اپنی فضائی حدود

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے