پاکستانیوں کا فلسطین کی حمایت میں اہم اقدام

?️ 29 نومبر 2021

کراچی (سچ خبریں) پاکستان میں  فلسطین کے خلاف اسرائیلی جرائم کی مذمت کے طور پرایک اہم سائیکلنگ ٹور کیا انعقاد کیا گیا۔کراچی شہر میں درجنوں سیاسی و مذہبی کارکنان، طلبہ تنظیموں اور پاکستانی عوام نے صیہونی مخالف نعروں کے ساتھ فلسطینی عوام کے ساتھ یوم یکجہتی کے موقع پر سائیکلوں پر سوار ہوکر کراچی شہر میں ریلی نکالی۔

تفصیلات کے مطابق سائیکلنگ ٹور کے شرکاء نے فلسطینی پرچم اٹھا رکھے تھے اور فلسطینی مسلمانوں کے لیے اپنی یکجہتی اور حمایت کا اظہار کیا۔فلسطین فاؤنڈیشن کے زیر اہتمام منعقدہ اس کانفرنس کے شرکاء نے خطے میں صہیونی قبضے اور انسانی حقوق کی خلاف ورزی  کی شدید مذمت کرتے ہوئے کہا کہ فلسطین فلسطینیوں کا وطن ہے۔

اس بات پر زور دیتے ہوئے کہ جعلی اسرائیلی حکومت کا وجود عالمی برادری کے لیے ایک سنگین خطرہ ہے، پاکستان کے مذہبی اور سیاسی رہنماؤں نے کہا کہ مسلمانوں کے قبلہ اول (بیت المقدس) کی آزادی اور اسرائیل کی تباہی قریب ہے۔

واضح رہے کہ برطانوی حکومت نے حماس کو دہشت گرد تنظیم قرار دیا تھا۔ اس حوالے سے بھی  کانفرنس کے شرکاء نے برطانوی حکومت کی جانب سے حماس کو دہشت گرد گروپ قرار دینے کی شدید مذمت کی اور پاکستانی حکومت سے مطالبہ کیا کہ حماس کو پاکستان میں فلسطینیوں کا نمائندہ تسلیم کیا جائے۔