🗓️
ووٹوں کی خرید و فروخت کو روکنا الیکشن کا کام ہے
اسلام آباد(سچ خبریں) سپریم کورٹ کے جسٹس اعجاز الاحسن نے سینیٹ انتخابات اوپن بیلٹ صدارتی ریفرنس پر سماعت کے دوران ریمارکس دیے کہ ہارس ٹریڈنگ اور ووٹوں کی خرید وفروخت کو روکنا الیکشن کمیشن کا کام ہے۔چیف جسٹس گلزار احمد کی سربراہی میں لارجر بینچ نے صدارتی ریفرنس کی سماعت کی۔
دوران سماعت درخواست گزار سینیٹر رضا ربانی نے دلائل دیے کہ حکومت نے آئینی ترمیمی بل لانے کا فیصلہ کرلیا ہے اس لیے آئینی ترمیمی بل پیش ہونے تک عدالت اس ریفرنس کی سماعت روک دے تاکہ دو ادارے مد مقابل نہ ہوں۔
جس پر جسٹس اعجازالاحسن نے ریمارکس دیے کہ ریفرنس پرجواب دینے کے سو راستے ہوسکتے ہیں، ایک راستہ ہے کہ آئینی ترمیم کی ضرورت نہیں، دوسرا راستہ ہے کہ آئینی ترمیم کرنا ہوگی اور دونوں صورتوں میں عدالت اور پارلیمان آمنے سامنے کیسے ہوں گئے؟انہوں نے مزید ریمارکس دیے کہ آئینی ترمیم پیش ہو یا نہ ہو، عدالت کو تشریح کا اختیار حاصل ہے۔
اس پر اٹارنی جنرل نے کہا کہ بل پارلیمنٹ میں ہوتے ہوئے بھی عدالت ریفرنس پررائے دے سکتی ہے۔ جسٹس اعجازالاحسن نے ریمارکس دیے کہ ہارس ٹریڈنگ اور ووٹوں کی خریدو فروخت روکنا الیکشن کمیشن کا کام ہے اور عام انتخابات کے ووٹ بھی الیکشن کمیشن دھاندلی کے الزامات پر کھولتا ہے۔
انہوں نے مزید ریمارکس دیے کہ ووٹ فروخت کرنے کا نتیجہ کیا نکلے گا؟ ثابت کرنا ہوگا کہ پارٹی کےخلاف ووٹ دینے والے نے ضمیر بیچا کیا آئین کی تشریح کرنا عدالت کا کام نہیں؟جسٹس عمرعطا بندیال نے ریمارکس دیے کہ ماضی میں پارٹی پالیسی کےخلاف ووٹ دینے والے 20 لوگ سامنے آئے۔
درخواست گزار سینیٹر رضا ربانی نے کہا حکومت نے آئینی ترمیمی بل اسی حوالے سے لانے کا فیصلہ کر لیا ہےاس ریفرنس کو چلانا ایک مسئلے کے بیک وقت دو حل تلاش کرنے کے مترادف ہوگا۔
انہوں نے مزید کہا کہ آئینی ترمیمی بل پیش ہونے تک عدالت اس ریفرنس کی سماعت روک دے تاکہ دو ادارے مد مقابل نہ ہوں اور قانون سازی پارلیمینت کا کام ہے اور آئین کی تشریح عدالت کا اختیار ہے۔جسٹس اعجاز الاحسن نے ریمارکس دیے کہ آئینی ترمیم پیش ہو یا نہ ہو عدالت کو تشریح کا اختیار حاصل ہے۔
واضح رہے کہ وفاقی حکومت نے 23 دسمبر کو صدر مملکت کی منظوری کے بعد سینیٹ انتخابات اوپن بیلٹ کے ذریعے کرانے کے لیے سپریم کورٹ میں ریفرنس دائر کر دیا تھا۔
صدر مملکت ڈاکٹر عارف علوی نے آئین کے آرٹیکل 186 کے تحت سپریم کورٹ میں ریفرنس بھجوانے کی وزیرِ اعظم کی تجویز کی منظوری دی اور ریفرنس پر دستخط کیے تھے۔
عدالت عظمیٰ میں دائر ریفرنس میں صدر مملکت نے وزیر اعظم کی تجویز پر سینیٹ انتخابات اوپن بیلٹ کے ذریعے کرانے کی تجویز مانگی ہے۔ریفرنس میں مؤقف اپنایا گیا کہ آئینی ترمیم کے بغیر الیکشن ایکٹ میں ترمیم کرنے کے لیے رائے دی جائے۔
مشہور خبریں۔
نئے برطانوی وزیر خارجہ نے غزہ میں فوری جنگ بندی کا مطالبہ کیا
🗓️ 6 جولائی 2024سچ خبریں: برطانوی وزیر خارجہ کے عہدے پر تعینات ہونے کے بعد ڈیوڈ
جولائی
ہم یمنی میزائل کے سامنے ناکام رہے: تل ابیب
🗓️ 15 ستمبر 2024سچ خبریں: صیہونی حکومت کے ریڈیو نے اعتراف کیا کہ یہ پہلا موقع
ستمبر
قومی اسمبلی اجلاس میں پی ٹی آئی کے حمایت یافتہ ارکان کی نعروں سے انٹری
🗓️ 29 فروری 2024اسلام آباد: (سچ خبریں) قومی اسمبلی کے افتتاحی اجلاس میں پی ٹی آئی کے حمایت
فروری
سرکاری ملازمین کی جانب سے یومیہ الاؤنس کا غلط استعمال روکنے کے لیے وزارت خزانہ کا اہم اقدام
🗓️ 21 اکتوبر 2023اسلام آباد: (سچ خبریں) ٹیکس دہندگان کی قیمتی رقم سے سرکاری ملازمین
اکتوبر
سپریم کورٹ میں آئین کی دفعہ 63 اے کی تشریح کے لیے ریفرنس دائر
🗓️ 21 مارچ 2022اسلام آباد (سچ خبریں) وزیراعظم عمران خان کے خلاف تحریک عدم اعتماد
مارچ
فلسطینیوں کی نسل کشی میں گوگل کی شراکت؛امریکی اخبار کا اعتراف
🗓️ 22 جنوری 2025سچ خبریں:امریکی اخبار واشنگٹن پوسٹ نے انکشاف کیا ہے کہ ٹیکنالوجی کمپنی
جنوری
فلسطینی عوام اپنی مزاحمتی روش کو کبھی نہیں چھوڑیں گے: جہاد اسلامی
🗓️ 26 اگست 2021سچ خبریں:فلسطینی جہاد اسلامی تحریک کے ترجمان نے زور دیا کہ فلسطینی
اگست
غزہ میں جنگ بندی کون نہیں ہونے دے رہا؟صیہونی اپوزیشن رہنما کی زبانی
🗓️ 23 دسمبر 2024سچ خبریں:صیہونی حکومت کے اپوزیشن رہنما یائر لاپیڈ نے انکشاف کیا ہے
دسمبر