?️
اسلام آباد(سچ خبریں) وزیراعظم عمران خان کی روسی صدر پیوٹن سے ملاقات کا شیڈول تبدیل کر دیا گیا۔وزیراعظم عمران خان کی روسی صدر ولادمیر پیوٹن کی اہم ملاقات کا دورانیہ ایک گھنٹے سے بڑھا کر تین گھنٹے کر دیا گیا۔وزیر اعظم آج ماسکو میں روسی صدر سے ملاقات کریں گے۔
میڈیا رپورٹس کے مطابق وزیراعظم عمران خان آج روس کے دارالحکومت ماسکو میں روسی صدر سے ون آن ون ملاقات کریں گے جس میں خطے کی صورتحال پر تبادلہ خیال ہو گا۔رپورٹس کے مطابق وزیراعظم عمران خان کی روسی صدر ولادمیر پیوٹن کی اہم ملاقات کا دورانیہ ایک گھنٹے سے بڑھا کر تین گھنٹے کر دیا گیا۔
واضح رہے کہ وزیر اعظم عمران خان روس کےدو روزہ سرکاری دورے پر ہیں ۔ گذشتہ رات وزیر اعظم عمران خان کے دورہ روس کا باقاعدہ آغاز ہو گیا، عمران خان کا طیارہ اب سے کچھ دیر قبل روس کے دارالحکومت لینڈ کر گیا۔ وزیر اعظم کے معاون خصوصی ڈاکٹر شہباز گل کی جانب سے وزیر اعظم عمران خان کے طیارے کی ماسکو ائیرپورٹ لینڈنگ کی ویڈیو جاری کی گئی ہے۔
ماسکو ائیرپورٹ پر وزیر اعظم پاکستان عمران خان کا ریڈ کارپٹ استقبال کیا گیا، انہیں خصوصی گارڈ آف آنر پیش کیا گیا۔ پاکستانی اور روسی حکام نے ماسکو ائیرپورٹ پر وزیر اعظم کا استقبال کیا۔ واضح رہے کہ وزیراعظم عمران خان اپنے تاریخی دو روزہ دورہ روس کیلئے بدھ کے روز ماسکو کیلئے روانہ ہوئے۔ دورہ روس کے دوران وزیراعظم عمران خان سے اہم روسی قیادت ملاقاتیں کریں گے۔
روس کے دورے کے دوران وفاقی وزراء مخدوم شاہ محمود قریشی، فواد چوہدری، اسد عمر، حماد اظہر، مشیرِ تجارت عبدالرزاق داؤد، قومی سلامتی کے مشیر معید یوسف اور عامر محمود کیانی وزیرِ اعظم کے ہمراہ ہیں۔ صدر پیوٹن اور وزیر اعظم کی ملاقات اس دورہ کا اہم ترین جزو ہوگا۔ اس کے علاوہ وزیر اعظم ماسکو میں روس کی سب سے بڑی مسجد و اسلامک سنٹر کا دورہ کریں گے۔
وزیراعظم عمران خان سے اہم روسی قیادت بشمول نائب وزیر اعظم، روسی سرمایہ کار اور تاجر ملاقاتیں کریں گے ۔ صدر پیوٹن سے ملاقات میں وزیر اعظم بین الاقوامی اور خطے کے امور پر تبادلہ خیال کریں گے۔ ملاقات میں روس پاکستان دوطرفہ تعلقات خصوصاً توانائی شعبے پر بات چیت ہوگی۔
اسلاموفوبیا اور افغانستان کی صورتحال بھی زیر غور لائی جائے گی۔ وزیر اعظم کا دورہ، روس اور پاکستان کے دو طرفہ تعلقات کو مزید مستحکم کرے گا۔ وزیرِ اعظم عمران خان دو دہائیوں کے بعد پہلے پاکستانی وزیرِ اعظم ہیں جو روس کا دورہ کر رہے ہیں۔
مشہور خبریں۔
چرچ میں جنسی زیادتی کا سکینڈل اور مغربی سیاستدانوں کی خاموشی
?️ 13 اکتوبر 2021سچ خبریں:2018 میں بچوں کے جنسی استحصال کے متاثرین کی درخواست پر
اکتوبر
امریکہ کی حساس جگہوں پر بھی چین کا اثر و رسوخ بڑھ چکا ہے: امریکی میڈیا
?️ 6 ستمبر 2021سچ خبریں:امریکی میڈیا کہنا ہے کہ ایل سلواڈور میں ایک بندرگاہ کے
ستمبر
شامی اپوزیشن اتحاد نے ترکی سے انخلاء کی تردید کی
?️ 14 ستمبر 2022سچ خبریں: ترکی میں شامی اپوزیشن کے اتحاد کے سربراہ سالم نے
ستمبر
واٹس ایپ کا چیٹس سے متعلق اہم فیچر کا اعلان
?️ 7 دسمبر 2021سان فرانسسکو(سچ خبریں) واٹس ایپ نے صارفین کے لئے ایک اہم فیچر
دسمبر
لبنان میں امریکی سفارتخانے میں فائرنگ
?️ 5 جون 2024سچ خبریں: لبنانی میڈیا نے کچھ دیر پہلے اطلاع دی ہے کہ
جون
رانا شمیم کیس: اصل بیانِ حلفی جمع کرانے کی ہدایت
?️ 30 نومبر 2021اسلام آباد(سچ خبریں) گلگت بلتستان کے سابق چیف جج رانا شمیم کو
نومبر
مدارس کی رجسٹریشن میں مسائل ہیں، مسٹر اور مولانا کا فرق ختم ہونا چاہیے، ڈائریکٹر مذہبی تعلیم
?️ 2 جنوری 2025اسلام آباد: (سچ خبریں) حکومت نے مدارس کی رجسٹریشن میں مسائل کا
جنوری
علی ظفر کی رپورٹ جلد فراہم کی جائے
?️ 4 جون 2021اسلام آباد (سچ خبریں) پاکستان تحریک انصاف ترین گروپ کے رہنما اور
جون