وزیراعظم کی روسی، ترکیہ، تاجکستان اور کرغزستان کے صدور سے ملاقاتیں

?️ 12 دسمبر 2025

اسلام آباد (سچ خبریں) وزیراعظم شہباز شریف نے ترکمانستان کے شہر اشک آباد میں عالمی رہنماؤں سے غیر رسمی ملاقات کی۔

وزیرِ اعظم نے روسی صدر ولادی میر پوٹن ، ترکیہ کے صدر رجب طیب ایردوان، تاجکستان کے صدر امام علی رحمن اور کرغزستان کے صدر سے صدر سادر جپاروف سے ملاقاتیں کیں۔

ملاقاتوں کےدوران خطے کی صورتحال اور باہمی دلچسپی کے امور پر تبادلہ خیال کیا گیا، عالمی امن فورم کے موقع پر وزیراعظم عالمی رہنماؤں کی توجہ کا مرکز بنے رہے۔

طیب ایردوان سے ملاقات کے دوران پاک ترکیہ برادرانہ تعلقات کی اہمیت کا اعادہ کیا گیا، وزیراعظم نے باہمی دلچسپی کے شعبوں میں تعاون کو مزید مستحکم کرنے کے عزم کا اظہار اور توانائی، پیٹرولیم اور معدنیات میں ترکیہ کی دلچسپی اور سرمایہ کاری کا خیر مقدم کیا۔