مودی شکست خوردہ وزیراعظم، اب صرف دھمکیاں دے سکتا ہے۔ وزیراطلاعات

?️ 28 مئی 2025

اسلام آباد (سچ خبریں) وفاقی وزیر اطلاعات عطا تارڑ نے کہا ہے کہ نریندر مودی ایک شکست خوردہ وزیراعظم ہے، مودی اب صرف دھمکیاں دے سکتا ہے۔

تفصیلات کے مطابق وفاقی وزیر اطلاعات عطا تارڑ نے کہا ہے کہ ہماری فتح پر آذربائیجان کے عوام نے جشن منایا، وزیراعظم شہبازشریف نے بہترین استقبال پر صدر علییوف اورعوام کا شکریہ ادا کیا۔

ذرائع کے مطابق انہوں نے کہا کہ معرکہ حق میں فتح کے بعد پاکستان کی اہمیت بڑھ گئی ہے، وزیراعظم کے دوست ملکوں کے دوروں سے اچھے اثرات سامنے آ رہے ہیں۔

عطا تارڑ کا کہنا تھا کہ پاکستان کی فتح کو پوری دنیا دیکھ رہی ہے، صدر آذربائیجان سے ملاقات میں طے ہوا اب وفود کی سطح پر مذاکرات ہوں گے، یوم تکبیر ہماری فتح کا ضامن دن ہے۔