معروف ڈراما ’تیرے بن‘ کی اداکارہ سبینہ فاروق کو ’حیا‘ کا کردار کرنے پر دھمکیاں ملنے لگیں

?️

کراچی: (سچ خبریں) کسی ڈراما یا فلم میں اداکار کی اداکاری اگر کسی کو پسند آجائے تو صارفین تعریفیں کرتے نہیں تھکتے بالخصوص اگر رومانوی کردار ہو تاہم ڈراما میں منفی یا ولن کا کردار ادا کرنے کے والے اداکار کی اداکاری بھی متاثر کن ہوتی ہے۔

منفی کردار ادا کرنے والے اداکار کو مداحوں کی جانب سے سراہا بھی جاتا ہے، تاہم اگر صارفین ڈرامے میں اداکاری کی بنا پر اس اداکار کو دھمکانے، نفرت یا اداکار کے حوالے سے جعلی مواد پوسٹ کرنے لگے تو یہ یقینی طور پر ناقابل قبول ہے۔

اسی طرح کا واقعہ معروف ڈراما ’تیرے بن‘ کی اداکارہ سبینہ فاروق کے ساتھ پیش آیا۔

ڈراما ’تیرے بن‘ میں حیا کا کردار ادا کرنے والی اداکارہ سبینہ فاروق نے انسٹاگرام اسٹوری پر لکھا کہ انہیں ان کے کردار کے حوالے سے دھمکیاں دی جارہی ہیں۔

ان کا کہنا تھا کہ ’میں ڈراما تیرے بن میں اپنے کردار سے متعلق آپ کی بنائی ہوئی میمز کا مزاح لے رہی تھی، لیکن ہر چیز کی ایک حد ہوتی ہے، یوٹیوب پر جعلی اور بیہودہ مواد ڈالا جارہا ہے، اور مجھے دھمکیاں دی جارہی ہیں، یہ میرے اور میرے خاندان کے لیے پریشان کن ہے، حیا صرف ایک کردار ہے۔‘

اداکارہ نے ڈرامے کے کردار اور اداکار کے درمیان فرق نہ سمجھنے والے افراد سے مخاطب ہوکر کہا کہ ’میں درخواست کرتی ہوں کہ اپنا غصہ مجھ پر نکالنا بند کریں اور میں ان لوگوں پر لعنت بھیجتی ہوں جو جعلی یوٹیوب ویڈیوز بنا کر کماتے ہیں، اگر میں اتنی بری ہوں تو مجھے فالو کرنا بند کریں اور ڈرامے میں حیا کے کردار نہ دیکھیں، اگر مجھے مزید کوئی دھمکی دی گئی تو میں نام اور ان کے یوٹیوب چینلز ظاہر کرکے سب کو دکھاؤں گی اور پوسٹ کروں گی۔‘

سبینہ فاروق ڈرامے میں مرتسم (وہاج علی) کی کزن کا کردار ادا کر رہی ہیں جو مرتسم کی محبت میں گرفتار ہے، مرتسم کی شادی میرب سے ہو جاتی ہے، جس کا کردار یمنا زیدی نے ادا کیا ہے۔

شادی کے بعد مرتسم اور میرب کو لڑتے لڑتے محبت ہوجاتی ہے تو اسی دوران حیا حسد کا شکار ہوجاتی ہے اور دونوں کو الگ کرنے کی ہزاروں کوشش کرتی ہے یہاں تک کہ کالا جادو بھی کرنے کو تیار ہو جاتی ہے۔

ڈرامے کی پہلی قسط 28 دسمبر کو نشر ہوئی تھی جس کے فوری بعد مداحوں نے اسے بے حد پسند کیا، نوراں مخدوم کی تحریر کردہ اور سراج الحق کی ہدایت کاری میں بننے والے اس ڈرامے میں یمنہ زیدی اور وہاج علی مرکزی کردار ادا کر رہے ہیں۔

کاسٹ میں بشریٰ انصاری، سہیل سمیر، حرا سومرو، فضیلہ قاضی اور دیگر شامل ہیں۔

ڈراما ’تیرے بن‘ پاکستانی سماج میں بڑے زمینداروں کی حویلیوں کے اندر کی کہانی ہے، جن کی بنیادوں میں خون کی اینٹیں اور جذبات کا سیمنٹ لگا ہوتا ہے۔

ڈرامے کی کہانی مرتسم (وہاج علی) سے شروع ہوتی ہے جسے ایک متکبر جاگیردار دکھایا گیا ہے لیکن وہ لوگوں کے لیے ہمدردی بھی رکھتا ہے۔

میرب (یمنہ زیدی) جو ایک مضبوط لڑکی ہے اور جو وکیل بننا چاہتی ہے اور مرتسم کی طرح اس کا دل بھی اپنے لوگوں کے لیے دھڑکتا ہے، وہ بھی اپنےارد گرد کے لوگوں کا خیال رکھتی ہے اور سب سے زیادہ اپنے والد وقاص (فرحان علی آغا) کے دل کے قریب ہوتی ہے۔

مشہور خبریں۔

آرمی چیف کی افغان وزیر خارجہ سے ملاقات، دہشت گردی اور انتہا پسندی سے نمٹنے کیلئے تعاون کا عزم

?️ 7 مئی 2023اسلام آباد:(سچ خبریں) آرمی چیف جنرل عاصم منیر نے قائم مقام افغان

فلسطینی بچوں کا قتل روکنے کے لیے ٹروڈو کی درخواست پر نیتن یاہو کا ردعمل

?️ 15 نومبر 2023سچ خبریں:نیتن یاہو نے بدھ کے روز کینیڈا کے وزیر اعظم جسٹن

’دہشت گردوں‘ اور قومی ادارے تباہ کرنے والوں سے مذاکرات نہیں ہو سکتے، جاوید لطیف

?️ 1 مئی 2023اسلام آباد:(سچ خبریں) مسلم لیگ(ن) کے سینئر رہنما اور وفاقی وزیر جاوید

ایرانی کورونا ویکسین کی برھتی مانگ

?️ 4 جولائی 2021سچ خبریں:ایرانی ماہرین کے ہاتھوں تیار کی جانے والی کورونا ویکسین کی

ہم دنیا کے تمام ممالک کے ساتھ سفارتی تعلقات چاہتے ہیں:طالبان رہنما

?️ 9 جولائی 2022سچ خبریں:طالبان رہنما نے عید الاضحی کے موقع پر اپنے ایک پیغام

پاک فوج نے سرحدوں کی حفاظت کے لیے ضروری اقدامات کئے ہیں

?️ 6 اکتوبر 2021اسلام آباد(سچ خبریں) پاک فوج کی اعلیٰ قیادت نے بھارتی فوج کے

جنوب غزہ میں شدید سردی کے باعث تین فلسطینی نومولود بچے شہید

?️ 26 دسمبر 2024سچ خبریں:جنوبی غزہ پٹی کے علاقے المواصی میں شدید سردی کے باعث

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے