?️
اسلام آباد:(سچ خبریں)پاکستان مسلم لیگ (ن) کے رہنما اور سابق وفاقی وزیر ڈاکٹر طارق فضل چوہدری کے صاحبزادے رات گئے سڑک حادثے میں جاں بحق ہوگئے۔
پولیس نے بتایا کہ سابق وزیر کے صاحبزادے انزا طارق 7 ایونیو کے علاقے میں فور بائی فور گاڑی میں سفر کر رہے تھے کہ حادثے کا شکار ہوگئے۔
پولیس کے مطابق انزا طارق نے اچانک اپنے سامنے آنے والے ایک موٹر سائیکل سوار کے ساتھ تصادم سے بچنے کے لیے گاڑی موڑی تو وہ ان کے قابو سے باہر ہوگئی اور ایک دو بار الٹ کر گرین بیلٹ کے ساتھ جاٹکرائی۔
پولیس نے کہا کہ حادثے میں انزا طارق کو متعدد زخم آئے، انہیں ہسپتال منتقل کیا گیا جہاں وہ زخموں کی تاب نہ لاتے ہوئے خالق حقیقی سے جاملے، بعد ازاں ان کی لاش کو اہل خانہ نے وصول کیا۔
وزیر اعظم شہباز شریف نے سابق وفاقی وزیر اور پاکستان مسلم لیگ (ن) کے مرکزی رہنما ڈاکٹر طارق فضل چوہدری کے جواں سال صاحبزادے کی سڑک حادثے میں وفات پر تعزیت کا اظہار کیا ہے۔
وزیراعظم نے کہا کہ طارق فضل چوہدری کے جواں سال بیٹے کی حادثاتی موت کے ناقابل بیان غم کی اس گھڑی میں مسلم لیگ (ن) ان کے دکھ میں برابر کی شریک ہے۔
اپنے ٹوئٹ میں انہوں نے کہا کہ طارق فضل چوہدری کے جواں سال بیٹے کی کار حادثے میں موت کا سن کر دکھ ہوا ہے، والدین کے لیے بچے کو کھونے سے زیادہ دل کو دہلا دینے والی کوئی چیز نہیں ہوتی، ناقابل بیان غم کی اس گھڑی میں میرا دل چوہدری طارق اور ان کے سوگوار خاندان کےساتھ ہے۔
شہباز شریف نے کہا کہ مسلم لیگ (ن) ان کے دکھ میں برابر کی شریک ہے، وزیر اعظم نے دلی تعزیت کااظہار کرتے ہوئے دعا کی کہ اللہ پاک مرحوم کی روح کو سکون دے۔
چیئرمین سینیٹ محمد صادق سنجرانی نے سینیٹ سیکریٹریٹ سے جاری بیان میں کہا کہ وہ دکھ کی اس گھڑی میں اہلخانہ کے غم میں برابر کے شریک ہیں، اللہ تعالیٰ مرحوم کی مغفرت اور درجات کو بلند کرے اور غمز دہ خاندان کو یہ صدمہ حوصلے اور صبر سے برداشت کرنے کی توفیق عطا فرمائے۔
ڈپٹی چیئرمین سینیٹ مرزا محمد آفریدی، قائد ایوان سینیٹ سینیٹر اسحٰق ڈار، قائد حزب اختلاف سینیٹ سینیٹر ڈاکٹر شہزاد وسیم نے بھی مرحوم انزا فضل کے انتقال پر گہرے دکھ اور افسوس کا اظہار کرتے ہوئے اپنے الگ الگ تعزیتی پیغامات میں مرحوم کے اہلخانہ سے دلی ہمدردی کا اظہار کیا ہے۔
انہوں نے اللہ تعالی سے مرحوم کو اپنے جوار رحمت میں جگہ د ینے اور غمزدہ خاندان کو صبر جمیل عطا کرنے کی دعا کی۔
وفاقی وزیر اطلاعات و نشریات مریم اورنگزیب نے اپنے تعزیتی بیان میں طارق فضل چوہدری اور اہل خانہ سے دلی رنج و غم کا اظہار کرتے ہوئے کہا کہ طارق فضل چوہدری اور اہل خانہ کے دکھ میں برابر کے شریک ہیں، اللہ تعالیٰ لواحقین کو جوان بیٹے کے انتقال پر صبر جمیل عطا فرمائے۔


مشہور خبریں۔
ترکی لیبیا کی عوام کی مدد کرنے کو تیار
?️ 12 ستمبر 2023سچ خبریں:اردگان نے لیبیا میں سیلاب کی وجہ سے جان بحق ہونے
ستمبر
رہا ہونے والے فلسطینی قیدی کیا کہہ رہے ہیں؟
?️ 25 نومبر 2023سچ خبریں: صیہونی جیلوں سے رہائی پانے والے فلسطینی قیدیوں کے استقبال
نومبر
لاہور ہائیکورٹ: ججز تعینات کرنے والی حکومتی کمیٹی کل ذاتی حیثیت میں طلب
?️ 16 مئی 2024لاہور: (سچ خبریں) لاہور ہائیکورٹ نے انسداد دہشت گردی عدالت ون راولپنڈی
مئی
صیہونیوں کا ایک نئا گروہ فلسطینیوں کے ہاتھوں گرفتار
?️ 9 اکتوبر 2023سچ خبریں:اس تناظر میں انہوں نے زور دے کر کہا کہ فلسطینی
اکتوبر
صدر مملکت سے مختلف ممالک کے سفیروں کی ملاقات، اسناد پیش کیں
?️ 22 اگست 2025اسلام آباد (سچ خبریں) صدر مملکت آصف علی زرداری سے سری لنکا،
اگست
داعش کا مقابلہ کرنے کے لیے الحشد الشعبی کی خصوصی بٹالین
?️ 16 مارچ 2022سچ خبریں:عراق کے صوبہ دیالہ میں الحشد الشعبی کے ترجمان نے اعلان
مارچ
وزیر اعظم نے دنیا کے سب سے بڑے جنگل کا افتتاح کر دیا
?️ 9 اگست 2021لاہور(سچ خبریں) وزیر اعظم عمران خان نےسگیاں میں دنیا کے سب سے
اگست
مغربی کنارے پر صیہونی فوج کا حملہ اور 18 فلسطینیوں کی گرفتاری
?️ 26 مئی 2023سچ خبریں:جمعرات صبح سے 25 مئی 2023 کو اسرائیلی فوج نے مقبوضہ
مئی