مریم نواز کا رحیم یار خان میں سیلاب سے متاثرہ علاقے کا دورہ، متاثرین کیلئے 10 ،10 لاکھ کا اعلان

?️ 14 ستمبر 2025

رحیم یار خان (سچ خبریں) مریم نوازشریف نے رحیم یار خان میں سیلاب سے متاثرہ علاقے کا دورہ کیا اور امدادی سرگرمیوں کا جائرہ لیا، اس موقع پر مریم نواز کو صورتحال پر بریفنگ دی گئی جبکہ وزیراعلی پنجاب نے سیلاب متاثرین کو چیک بھی دیا۔

تفصیلات کے مطابق وزیراعلی پنجاب مریم نواز نے تعلیم حاصل کرنے والے بچوں سے ملاقات بھی کی اور تحائف تقسیم کیئے، اس موقع پر انہوں نے متاثرین سیلاب کیلئے 10، 10 لاکھ روپے دینے کا اعلان کیا جبکہ ایک متاثرہ شخص کو 20 لاکھ روپے کا چیک بھی دیا۔

مریم نواز نے متاثرین میں دودھ کے پیکیٹ، کپڑے اور جوتے بھی تقسیم کیے اور کہا کہ سیلاب متاثرین کا جو بھی نقصان ہوگا انہیں دیا جائے گا۔