?️
مردان: (سچ خبریں) خیبر پختونخوا کے ضلع مردان کے علاقے پیر صدی میں نامعلوم مسلح افراد کے حملے میں پولیو ٹیم کی حفاظت پر مامور پولیس اہلکار گولی لگنے سے زخمی ہو گیا۔
صدر سرکل کے سپرنٹنڈنٹ آف پولیس (ایس پی) خالد خان کے مطابق موٹر سائیکل پر سوار نامعلوم حملہ آوروں نے فائرنگ کی اور جائے وقوع سے فرار ہونے میں کامیاب ہوگئے۔ انہوں نے زخمی پولیس اہلکار کی شناخت زوہار قیوم کے نام سے کی۔
انہوں نے ڈان نیوز ڈاٹ ٹی وی کو بتایا کہ یہ واقعہ اس وقت پیش آیا جب پولیو ورکرز صوبے میں جاری پانچ روزہ انسداد پولیو مہم کے حصے کے طور پر قطرے پلانے کے لیے ایک گھر میں داخل ہونے والے تھے۔
خالد خان نے مزید کہا کہ پولیس واقعے کے فوراً بعد جائے وقوع پر پہنچی اور سرچ آپریشن جاری ہے۔
دریں اثنا ضلعی ڈسٹرکٹ ایمرجنسی افسر عمران خان یوسفزئی نے بتایا کہ زخمی پولیس اہلکار کو تحصیل ہیڈکوارٹر ہسپتال منتقل کیا گیا اور بعد ازاں مزید علاج کے لیے مردان میڈیکل کمپلیکس ریفر کردیا گیا۔
آج کا حملہ مردان کی ہی تحصیل کاٹلنگ میں دہشت گردوں کے ساتھ فائرنگ کے تبادلے میں ایک پولیس اہلکار کے شہید اور 3 کے زخمی ہونے کے ایک ہفتے بعد ہوا ہے۔
جنوری میں خیبر پختونخوا کے ضلع باجوڑ میں نامعلوم حملہ آوروں کی گاڑی پر فائرنگ کے نتیجے میں ایک پولیو ورکر جاں بحق اور ایک پولیس اہلکار زخمی ہوگیا تھا۔
اسی ماہ باجوڑ اور شمالی وزیرستان کے اضلاع میں دہشت گردی کی دو کارروائیوں میں 6 پولیس اہلکاروں اور ایک سپاہی نے جام شہادت نوش کیا تھا۔ تحصیل ماموند میں پولیو کے قطرے پلانے والے پولیس اہلکاروں کو لے جانے والی گاڑی کو دھماکا خیز مواد سے نشانہ بنایا گیا تھا۔


مشہور خبریں۔
یحییٰ سریع کا صیہونی حکومت کو عبرانی زبان میں انتباہ
?️ 12 جون 2025سچ خبریں: یمن کی مسلح افواج کے ترجمان یحییٰ سریع نے صہیونی
جون
سعودی اتحاد جنگ بندی کو غنیمت سمجھے: یمنی پارلیمنٹ
?️ 4 ستمبر 2022سچ خبریں: یمن کی قومی سالویشن گورنمنٹ کی پارلیمنٹ نے انصار
ستمبر
ایران اور روس کے درمیان ماسکو میں علاقائی امور پر بات چیت
?️ 11 نومبر 2026سچ خبریں: اسلامی جمہوریہ ایران کی وزارت خارجہ کے ڈائریکٹر جنرل برائے
نومبر
آئرلینڈ میں فلسطین کی حمایت میں مظاہرے
?️ 22 اکتوبر 2023سچ خبریں: جمہوریہ آئرلینڈ کے دارالحکومت اور اس ملک کے شمالی شہروں
اکتوبر
پارلیمنٹ اجلاس میں دو اہم بلز کی منظوری
?️ 17 نومبر 2021اسلام آباد (سچ خبریں) پارلیمنٹ اجلاس کے دوران حکومت اور اپوزیشن ارکان
نومبر
قطر اور پاکستان آبنائے ہرمز کے لیے مفاہمت نامے کی تیاری کر رہے ہیں کہ المیادین
?️ 5 اگست 2026سچ خبریں: نیٹ ورک المیادین کے معتبر ذرائع کے حوالے سے بتایا
اگست
کیا امریکی رفح پر حملہ کرنے پر راضی ہیں؟
?️ 2 مئی 2024سچ خبریں: امریکی کانگریس کی ڈیموکریٹک پارٹی کے نمائندوں کے ایک گروپ
مئی
ایران کا صیہونی حکومت کو سبق سکھانے کے بارے میں پینٹاگون نے کیا کہا؟
?️ 18 اپریل 2024سچ خبریں: امریکی محکمہ دفاع (پینٹاگون) کے ترجمان پیٹرک رائڈر نے اسرائیل
اپریل