لاہور: 2 کروڑ روپے تاوان کیلئے نوجوان کو اغوا کرنے والے 6 پولیس اہلکاروں پر مقدمہ

?️

لاہور: (سچ خبریں) لاہور کے تھانہ گرین ٹاؤن کی پولیس نے نوجوان کو اغوا کرنے کے بعد جھوٹے مقدمے میں نامزد کرکے رہائی کے عوض 2 کروڑ روپے تاوان کا مطالبہ کرنے والے انچارج انویسٹی گیشن سمیت 6 پولیس اہلکاروں کے خلاف مقدمہ درج کرلیا۔

میڈیا میں شائع خبر کے مطابق لاہور پولیس چیف بلال صدیق کمیانا نے متاثرہ شہری عدنان کی والدہ نذیراں بی بی کی جانب سے خوفناک واقعے کی تفصیلات سے پردہ اٹھانے پر واقعے کا نوٹس لیا تو پولیس حرکت میں آئی۔

خاتون نے اپنی شکایت میں کہا کہ ان کے بیٹے عدنان اور تھانہ گرین ٹاؤن کے اسسٹنٹ سب انسپکٹر (اے ایس آئی) کے درمیان کسی معاملے پر تلخ کلامی ہوئی تھی، انہوں نے مزید بتایا کہ پولیس افسر نے بدلہ لینے کے لیے گرین ٹاؤن تھانے کے انویسٹی گیشن انچارج ریحان بٹ، سب انسپکٹر گوہر اور کانسٹیبل عمران کی ملی بھگت سے ان کے بیٹے کو جھوٹے مقدمے میں ملوث کردیا۔

انہوں نے الزام عائد کیا کہ مذکورہ پولیس اہلکار ان کے بیٹے کو کالج روڈ سے حراست میں لے کر تھانے لے گئے اور اسے بدترین تشدد کا نشانہ بنایا۔

نذیراں بی بی نے بتایا کہ ان کے 2 بیٹے اپنے بھائی عدنان سے ملنے تھانے گئے تو ملزم پولیس اہلکاروں نے انہیں بھی حراست میں لے لیا اور تشدد کا نشانہ بنایا، خاتون نے بتایا کہ بعد ازاں پولیس ان کے بیٹے کو ہتھکڑیاں لگا کر گھر لائی اور گھر میں توڑ پھوڑ کرنے کے بعد ایک لاکھ 40 ہزار روپے نقدی، موٹر سائیکل، موبائل فون اور بیٹے کے شناختی کارڈ سمیت دیگر قیمتی اشیا لے گئی۔

خاتون نے الزام عائد کیا کہ چھاپے کے دوران پولیس اہلکاروں نے ان کے دوسرے بیٹے کو گرفتار کرنے کی کوشش کی جس پر وہ ان کی بیچ میں آئیں تو پولیس اہلکاروں نے گن پوائنٹ پر انہیں بھی ہراسانی اور تشدد کا نشانہ بنایا۔

انہوں نے مزید بتایا کہ اگلے روز اے ایس آئی رانا آصف ایک اہلکار کے ساتھ دوبارہ زبردستی ان کے گھر میں داخل ہوا اور بیٹے کی رہائی کے عوض 2 کروڑ روپے کا مطالبہ کیا اور عدم ادائیگی پر اسے قتل کرنے کی دھمکی دی۔

خاتون نے دعویٰ کیا کہ بیٹے کی جان بچانے کے لیے انہوں نے اپنی فیملی کار اونے پونے داموں فروخت کی اور اپنے بھانجے جنید کے ذریعے پولیس کو 35 لاکھ روپے ادا کیے، انہوں نے افسوس کا اظہار کرتے ہوئے بتایا کہ پیسے وصول کرنے کے باوجود پولیس اہلکار دوبارہ آئے اور مزید رقم کا مطالبہ کیا۔

خاتون نے الزام عائد کیا کہ پولیس اہلکاروں نے ایڈوانس کی مد میں دی گئی رقم اینٹھنے کے لیے ان کے مالک مکان کو بھی ڈرایا دھمکایا، انہوں نے انکشاف کیا کہ ان کے بیٹے کے خلاف درج ایف آئی آر کا مدعی سب انسپکٹر ریحان بٹ کا مخبر ہے۔

لاہور پولیس کے سربراہ (سی سی پی او ) بلال صدیق کمیانا نے نذیراں بی بی کی شکایت کا نوٹس لیتے ہوئے تحقیقات کا حکم دیا تھا جس میں پولیس اہلکاروں پر عائد کردہ الزامات سچ ثابت ہوئے، جس پر انہوں نے اپنے ماتحت افسران و اہلکاروں کے خلاف سخت قانونی کارروائی کے احکامات جاری کیے تھے۔

گرین ٹاؤن پولیس اسٹیشن نے مذکورہ پولیس افسران کے خلاف اغوا برائے تاوان اور اختیارات کے غلط استعمال سمیت مختلف الزامات کے تحت مقدمہ درج کرلیا۔

مشہور خبریں۔

یمن میں جنگ کے خاتمے کے لئے غیر معمولی بین الاقوامی اتفاق رائے

?️ 22 جولائی 2021سچ خبریں:یمن میں امریکی مندوب نے دعوی کیا کہ یمن میں جنگ

نگران وزیراعظم انوارالحق کاکڑسے یوای اے کے وزیر تجارت ڈاکٹرثانی بن احمد الزیودی کی ملاقات

?️ 3 فروری 2024اسلام آباد: (سچ خبریں) نگران وزیراعظم انوار الحق کاکڑ نے کہا ہے

یمن پر امریکی اور برطانوی حملوں کے پیچھے کیا مقاصد ہیں؟

?️ 23 جنوری 2024سچ خبریں: تجزیہ کاروں کا کہنا ہے کہ انصاراللہ کے ٹھکانوں پر

عرب لیگ عرب ممالک کے حالات کا آئینہ:بشار الاسد

?️ 26 جولائی 2022سچ خبریں:الجزائر کے وزیر خارجہ کی میزبانی کرنے والے شامی صدر نے

صیہونی فوج نے غزہ میں انسانی امداد لینے والے فلسطینیوں کو گولیوں سے بھون ڈالا؛سی این این کی تصدیق

?️ 6 جون 2025سچ خبریں:امریکی چینل CNN کی تحقیقات سے انکشاف ہوا ہے کہ صیہونی

مسئلہ کشمیر حل کئے بغیر بھارت کے ساتھ تعلقات معمول پر نہیں آ سکتے:وزیر اعظم

?️ 4 اپریل 2021اسلام آباد(سچ خبریں) مسئلہ کشمیر پر دو ٹوک موقف اختیار کرتے ہوئے

اپنے لوگ واپس آجائیں گے:عمران خان

?️ 19 مارچ 2022 اسلام آباد (سچ خبریں)راولپنڈی رنگ روڈ منصوبے کے سنگ بنیاد رکھنے

صدارتی امیدوار محمود اچکزئی کے گھر پر چھاپے کا الزام، احتجاج کی کال دیدی گئی

?️ 4 مارچ 2024کوئٹہ: (سچ خبریں) پشتونخوا ملی عوامی پارٹی نے اپنے قائد محمود خان اچکزئی کے

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے