SachKhabrain
  • تازہ ترین
  • پاکستان
  • کشمیر
  • دنیا
  • آج کے کالمز
  • سائنس اور ٹیکنالوجی
  • انٹرٹینمنٹ
  • ویڈیوز
  • en
کو ئی نتیجہ نہیں
تمام نتائج دیکھیں
  • تازہ ترین
  • پاکستان
  • کشمیر
  • دنیا
  • آج کے کالمز
  • سائنس اور ٹیکنالوجی
  • انٹرٹینمنٹ
  • ویڈیوز
  • en
کو ئی نتیجہ نہیں
تمام نتائج دیکھیں
SachKhabrain
کو ئی نتیجہ نہیں
تمام نتائج دیکھیں
اصلی صفحہ پاکستان

قوم شہدا کے وقار کو نقصان پہنچانے والوں کو معاف کرے گی نہ ہی بھولے گی، آرمی چیف

مئی 26, 2023
اندر پاکستان
قوم شہدا کے وقار کو نقصان پہنچانے والوں کو معاف کرے گی نہ ہی بھولے گی، آرمی چیف
0
تقسیم
12
آراء
Share on FacebookShare on Twitter

اسلام آباد:(سچ خبریں) چیف آف آرمی اسٹاف (سی او اے ایس) جنرل عاصم منیر نے کہا ہے کہ قوم شہدا کی یادگاروں کی بے حرمتی اور ان کے وقار کو نقصان پہنچانے میں ملوث افراد کو معاف کرے گی اور نہ ہی بھولے گی۔

آرمی چیف کے یہ ریمارکس قوم یوم تکریم شہدائے پاکستان کے موقع پر سامنے آئے۔ شرکا میں پاکستان کرکٹ ٹیم کے کپتان بابر اعظم اور وکٹ کیپر محمد رضوان شامل تھے, تاہم سابق آرمی چیف ریٹائرڈ جنرل قمر جاوید باجوہ کی موجودگی، جو اپنے جانشین کے ساتھ بیٹھے نظر آئے، پر تبصرے سامنے آئے۔

جنرل عاصم منیر، ریٹائرڈ جنرل قمر باجوہ، فوج اور پولیس کے اعلیٰ افسران، مذہبی اسکالرز، سول سوسائٹی اور کرکٹرز نے بھی یادگار شہدا پر پھولوں کی چادر چڑھائی۔

چیئرمین جوائنٹ چیفس آف سٹاف کمیٹی، سروسز چیفس، ریٹائرڈ افسران اور سول سوسائٹی کے نمائندوں نے ان شہدا کو شاندار خراج عقیدت پیش کیا جنہوں نے ملک و مادر وطن کی سالمیت، خودمختاری اور عزت کو یقینی بنانے کے لیے فرض کی ادائیگی میں لازوال قربانیاں دیں۔

بعدازاں آرمی چیف نے اسلام آباد پولیس لائنز میں پولیس شہداء کے اہل خانہ سے بھی خطاب کیا، پولیس ہیڈ کوارٹر پہنچنے پر اسلام آباد پولیس کے انسپکٹر جنرل ڈاکٹر اکبر ناصر خان نے ان کا استقبال کیا۔

انہوں نے پولیس افسران اور شہدا کے اہل خانہ سے ملاقات کی۔

تقریب کے دوران خطاب میں جنرل عاصم منیر نے کہا کہ 9 مئی کو جو کچھ ہوا وہ انتہائی افسوسناک اور قابل مذمت ہے۔

فوج کے میڈیا ونگ نے ان کے حوالے سے کہا کہ ’پاک فوج، پولیس اور قانون نافذ کرنے والے ادارے ریاست کی علامت اور دفاعی لائن ہیں جو ملک و قوم کے وقار کے لیے کسی بھی قربانی سے دریغ نہیں کرتے‘۔

بیان میں مزید کہا گیا کہ ’جنرل عاصم منیر نے شہدا کے اہل خانہ سے کہا کہ پاکستان کے عوام اور پاک فوج قانون نافذ کرنے والے تمام اداروں کے شہدا کے خاندانوں کے ساتھ کھڑی ہے اور کھڑی رہے گی۔‘

جنرل سید عاصم منیر نے کہا کہ پاک فوج شہدا کے تمام بچوں کی وارث ہے،شہدا کی لازوال قربانیوں کی بدولت آپ سے ہمارا رشتہ مثالی اور ہمیشہ قائم رہنے والا ہے۔

سرکاری خبررساں ادارے اے پی پی کی رپورٹ کے مطابق یہ بات انہوں نے جمعرات کو یومِ تکریمِ شہدا پاکستان کے موقع پر اسکول کے بچوں سے غیر رسمی ملاقات میں گفتگو کرتے ہوئے کہی۔

یومِ تکریمِ شہدا پاکستان پر آرمی چیف نے اسکول کے بچوں جن میں شہدا کے بچے بھی شامل تھے ،سے ملاقات کی۔سکول اور شہداکے بچوں کے سروں پر دستِ شفقت رکھتے ہوئے آرمی چیف نے اپنے جذبات کا اظہار کیا اور کہا کہ پاک فوج شہدا کے تمام بچوں کی وارث ہے۔

آرمی چیف نے بچوں سے کہا کہ شہدا کی لازوال قربانیوں کی بدولت آپ سے ہمارا رشتہ مثالی اور ہمیشہ قائم رہنے والا ہے، پاک فوج ہمیشہ آپ کے ساتھ شانہ بشانہ کھڑی رہے گی۔

سینیٹ کی قائمہ کمیٹی برائے دفاع کا سینیٹر مشاہد حسین سید کی زیر صدارت اہم اجلاس ہوا جس میں قومی سلامتی اور عوامی بہبود سے متعلق امور پر غور کیا گیا۔

کارروائی کے آغاز میں کمیٹی کے اراکین نے یوم شہدا کے موقع پر فاتحہ خوانی کرکے شہدا کو خراج عقیدت پیش کیا۔

اجلاس کے دوران کمیٹی نے متفقہ طور پر ایک قرارداد منظور کی جس میں افواج پاکستان کے ساتھ ’غیر متزلزل یکجہتی‘ کا اظہار کیا گیا اور 9 مئی کو ہونے والے آتش زنی اور توڑ پھوڑ کے واقعات کی مذمت کی گئی۔

قرارداد میں ملک کے اندر امن، استحکام اور سلامتی کو برقرار رکھنے کے لیے کمیٹی کے پختہ عزم کی عکاسی کی گئی اور مطالبہ کیا گیا کہ شفاف تحقیقات کے بعد قانون کے مطابق عمل کرتے ہوئے مجرموں کو پکڑ کر انصاف کے کٹہرے میں لایا جائے۔

Short Link
Copied
ٹیگز: جنرل عاصم منیرچیف آف آرمی اسٹافحرمتیسی او اے ایسقوم شہداملوث افرادیادگاروں

متعلقہ پوسٹس

نیب ترمیمی بل کے تحت نیب چیئرمین کو مزید اختیارات دے دیے گئے
پاکستان

نیب ترمیمی بل کے تحت نیب چیئرمین کو مزید اختیارات دے دیے گئے

جون 1, 2023
پریکٹس اینڈ پروسیجر بل، نظرثانی قانون پر باہمی تضاد سے بچنے کیلئے دوبارہ جائزہ لیا جائے گا، اٹارنی جنرل
پاکستان

پریکٹس اینڈ پروسیجر بل، نظرثانی قانون پر باہمی تضاد سے بچنے کیلئے دوبارہ جائزہ لیا جائے گا، اٹارنی جنرل

جون 1, 2023
آرمی چیف جنرل عاصم منیر سے برطانوی ہم منصب کی ملاقات، دہشت گردی کے خلاف قربانیوں کا اعتراف
پاکستان

آرمی چیف جنرل عاصم منیر سے برطانوی ہم منصب کی ملاقات، دہشت گردی کے خلاف قربانیوں کا اعتراف

جون 1, 2023

نیب ترمیمی بل کے تحت نیب چیئرمین کو مزید اختیارات دے دیے گئے

نیب ترمیمی بل کے تحت نیب چیئرمین کو مزید اختیارات دے دیے گئے
جون 1, 2023
0

اسلام آباد: (سچ خبریں) وفاقی حکومت نے مجوزہ نیب ترمیمی بل کے تحت نیب چیئرمین کو مزید اختیارات دے دیے۔...

مزید پڑھیں

ایران اور مصر کی قربت نے صیہونیوں کو کیوں سیخ پا کیا ہے؟

ایران
جون 1, 2023
0

سچ خبریں:تہران ریاض تعلقات کی بحالی کے بعد ایران اور مصر کے اتحاد نے خطے میں صیہونی امریکی منصوبے کو...

مزید پڑھیں

جرمنی نے یوکرین کی امیدوں پر پانی پھیر دیا

یوکرین
جون 1, 2023
0

سچ خبریں:نیٹو کی رکنیت کے لیے یوکرین کی امیدوں کے باوجود جرمن وزیر خارجہ نے اعلان کیا کہ متحارب ممالک...

مزید پڑھیں

ٹرمپ کا ایران سے متعلق خفیہ دستاویزات اپنے پاس رکھنے کا اعتراف

ٹرمپ
جون 1, 2023
0

سچ خبریں:امریکی وفاقی استغاثہ نے ٹرمپ کی آڈیو حاصل کی ہے جس میں ان کا کہنا ہے کہ انہوں نے...

مزید پڑھیں
SachKhabrain

  • تازہ ترین
  • پاکستان
  • کشمیر
  • دنیا
  • آج کے کالمز
  • سائنس اور ٹیکنالوجی
  • انٹرٹینمنٹ
  • ویڈیوز
  • en

Follow Us

کو ئی نتیجہ نہیں
تمام نتائج دیکھیں
  • Contact
  • Home
  • Home
  • Home 2
  • Home 3

Are you sure want to unlock this post?
Unlock left : 0
Are you sure want to cancel subscription?