پاکستان

فواد چوہدری کا مصدق ملک کے بیان پر رد عمل

30
مئی

?️ 30 مئی 2022

اسلام آباد (سچ خبریں) وزیر مملکت برائے توانائی مصدق ملک کے بیان پر پی ٹی آئی رہنماء فواد چوہدری کا ردعمل آگیا ۔ تفصیلات کے مطابق سماجی رابطوں کی ویب سائٹ ٹوئٹر پر اپنے ایک بیان میں سابق وزیر برائے اطلاعات و نشریات نے کہا کہ وزیر مملکت مصدق ملک کو مخاطب کرتے ہوئے کہا کہ آپ کی آدھی حکومت اس وقت یورپ میں گلچھرے اڑا رہی ہے ، ایک ماہ میں میڈیا پر اشتہاروں کی بارش کر دی گئی ہے ، وزیر اعظم ہاؤس کی تزئین و آرائش کی جا رہی ہے ، تھوڑے سے پیسے زہر کیلئے بھی نکال لیں۔

قبل ازیں سینیٹ کی قائمہ کمیٹی پٹرولیم کا اجلاس محمد عبدالقادر کی زیر صدارت ہوا جس میں وزیر مملکت برائے پٹرولیم ، چئیرمین اوگرا اور ڈی جی گیس سمیت کاروباری شخصیات نے شرکت کی ، جہاں وزیر مملکت برائے پٹرولیم مصدق ملک کا کہنا ہے کہ حکومت کے پاس زہر کھانے کو بھی پیسے نہیں ہیں ۔وزیر مملکت برائے پٹرولیم کی جانب سے کمیٹی کا بتایا گیا کہ حکومت پٹرول اور ڈیزل کی قیمتوں کو ریگولیٹ کرتی ہے ، ہم پٹرولیم مصنوعات کی فروخت میں پٹرول پمپس کے درمیان مسابقت چاہتے ہیں ، سابق وزیر توانائی نے روس سے تیل کی خریداری کے لیے خط ضرور لکھا لیکن روس کے ساتھ پاکستان کا تیل خریدنے کا کوئی معاہد نہیں ہوا ، ایران سے بہت زیادہ تیل پاکستان اسمگل ہو رہا ہے ، ایرانی اسمگل شدہ تیل سستا ہوتا ہے جب کہ اسمگلنگ جرم ہے۔

انہوں نے مزید کہا کہ گیس کے سیکٹر کا گردشی قرض بھی 1500 ارب روپے تک پہنچ چکا ہے ، سوئی گیس کمپنیوں کے اثاثے کم ہونا شروع ہو گئے ہیں اور کمپنیوں کے منافعے کم ہو گئے ، اس طرح یہ کمپنیاں دیوالیہ ہو جائیں گی کیوں کہ حکومت کے پاس تو زہر کھانے کو بھی پیسے نہیں ہیں۔

Short Link

Copied