فردوس عاشق اعوان کی پی ڈی ایم پر شدید تنقید

?️ 7 اپریل 2021

لاہور (سچ خبریں) معاون خصوصی وزیراعلیٰ پنجاب فردوس عاشق اعوان نے پاکستان ڈیموکریٹ موؤمنٹ پر شدید تنقید کرتے ہوئے کہا کہ پاکستان ڈیموکریٹ موؤمنٹ کو ذاتی ایجنڈے کےلیے استعمال کیا جارہا ہے، پیپلز پارٹی نے پی ڈی ایم کو پے در پے ےگہرے زخم دئیے۔

ان خیالات کا اظہار وزیر اعلیٰ پنجاب سردار عثمان بزدار کی معاون خصوصی برائے اطلاعات ڈاکٹر فردوس عاشق اعوان نے پی ڈی ایم پر تنقید کرتے ہوئے کیا، انہوں نے کہا کہ ہچکولے لیتی پی ڈیا یم کی کشتی سے ملاحوں سے چھلانگیں لگانا شروع کردی۔

فردوس اعوان کا کہنا تھا کہ اے این پی نے کہا کہ پی ڈی ایم مخصوص جماعت کے ہاتھوں میں ہائی چیک ہوچکی ہے، پی ڈی ایم کو ذاتی ایجنڈے کےلیے استعمال کیا جارہا ہے۔معاون خصوصی برائے اطلاعات نے کہا کہ پی ڈی ایم اتحاد عوام کے نام پر چند افراد کی کرپشن کے تحفظ کےلیے بنایا گیا لیکن ملاوٹ شدہ اتحاد میں شامل دیگر جماعتیں جلد اپنی راہ لیتی نظر آئیں گی۔

فردوس عاشق اعوان کا اپنے ٹوئٹ کہنا تھا کہ پیپلز پارٹی نے پی ڈی ایم کو پے در پے ےگہرے زخم دئیے، ساتھ ہی اے این پی کی جدائی نے جعلی راجکماری، کنیزوں اور مولانا کا سوگ طویل کردیا۔ دوسری جانب فردوس عاشق اعوان نے جہانگیرترین کی حمایت کرتے ہوئے کہا کہ جہانگیر ترین تحریکِ انصاف کا حصہ ہیں وہ کہیں نہیں جا رہے۔

یہ بات وزیرِ اعلیٰ پنجاب سردار عثمان بزدار کی معاونِ خصوصی ڈاکٹر فردوس عاشق اعوان نے جاری کیئے گئے ایک بیان میں کہی ہے۔وزیرِ اعلیٰ پنجاب سردار عثمان بزدار کی معاونِ خصوصی کا مزید کہنا ہے کہ جہانگیر ترین کے ساتھ جانے والے باغی نہیں ہیں۔