شہبار شریف بھی لاہور ہائی کورٹ جائیں گے

?️ 2 مارچ 2021

لاہور (سچ خبریں) گزشتہ ہفتے کو پنجاب اسمبلی میں قائد حزب اختلاف حمزہ شہباز کی ضمانت منظور ہونے کے بعد مسلم لیگ ن کے صدر شہبازشریف نے بھی اپنی بھی ضمانت کے لیے لاہور ہائی کورٹ جانے کا فیصلہ کیا ہے اطلاعات کے مطابق سابق وزیر اعلیٰ پنجاب کی درخواست ضمانت مارچ کے دوسرے ہفتے میں دائر کردی جائے گی۔

 تفصیلات کے مطابق اس ضمن میں سابق وزیر اعلیٰ پنجاب شہباز شریف نے اپنی قانونی ٹیم کو ضمانت کا ڈرافٹ تیار کرنے کی ہدایت کر دی ہے ، جس کے بعد ن لیگ کے نو منتخب سینیٹر اعظم نذیر تارڑ ، وکیل رہنماءاحسن بھون ، امجد پرویز اور محمد نواز کی جانب سے ضمانت کے ڈرافٹ کی تیاری پر کام شروع کردیا گیا۔

میڈیا ذرائع کے مطابق شہباز شریف کیہ ضمانت کے لیے جج کی ریفرنس سے متعلق حکم نامے کو ڈرافٹ کاحصہ بنایا جائے گا ، کیوں کہ احتساب عدالت نے فیصلے میں کہہ رکھا ہے کہ ریفرنس پر مزید ایک سال لگ سکتا ہے۔

بتایا گیا ہے کہ درخواست ضمانت میں میڈیکل گراؤنڈز بھی شامل کی جائیں گی ، اس کے علاوہ درخواست ضمانت میں کیس کے میریٹ کو بھی شامل کیا جائے گا۔

یاد رہے کہ منی لانڈرنگ کیس میں لاہور ہائی کورٹ نے مسلم لیگ ن کے رہنما اور اپوزیشن لیڈر پنجاب اسمبلی حمزہ شہباز کی درخواست ضمانت منظور کر تے ہوئے ان کی رہائی کا حکم دیا تھا ، لاہور ہائیکورٹ میں جسٹس سرفراز ڈوگر کی سربراہی میں دو رکنی بینچ نے حمزہ شہباز کی درخواست ضمانت پر سماعت کی۔ دوران سماعت عدالت نے حمزہ شہباز کی ضمانت منظور کی اور انہیں ایک ایک کروڑ روپے کے دو مچلکے جمع کروانے کا حکم دے دیا ، حمزہ شہباز کی ضمانت منی لانڈرنگ اور اثاثہ جات کیس میں منظور کی گئی ، عدالت نے ضمانتی مچلکوں کی ادائیگی کے بعد حمزہ شہباز کو رہا کرنے کا حکم بھی دے دیا تھا ، جس کے بعد اپوزیشن لیڈر پنجاب اسمبلی کی رہائی عمل میں لائی گئی۔