شمالی وزیرستان، سیکیورٹی فورسز کےکیمپ پربزدلانہ حملہ، 4 جوان شہید

?️ 21 دسمبر 2025

راولپنڈی (سچ خبریں) شمالی وزیرستان میں بھارتی حمایت یافتہ فتنہ الخوارج نے فورسز کےکیمپ پربزدلانہ حملہ کیا،فتنہ الخوارج کے دہشتگردوں نے سیکیورٹی حصار توڑنے کی کوشش کی، فورسز نے فوری کارروائی کر کے دہشتگردوں کے ناپاک عزائم ناکام بنا دیئے۔

آئی ایس پی آر کے مطابق حملہ آوروں نے باردو سے بھری گاڑی بیرونی دیوار سے ٹکرا دی،دھماکے میں مسجد سمیت ملحقہ شہری انفراسٹرکچر کو نقصان پہنچا، دھماکے میں معصوم بچوں اور خواتین سمیت 15شہری شدید زخمی ہوگئے۔ سیکیورٹی فورسز نے جراٍت اور پیشہ ورانہ مہارت کا مظاہرہ کر کے 4 خوارج ہلاک کردئیے ، شدید فائرنگ کے تبادلے میں 4جوان شہید ہوئے۔

شہید ہونے والوں میں حوالدار محمد وقاص، نائیک خانویز، سپاہی سفیان حیدر اور سپاہی رفعت شامل ہیں ، پاکستان نے افغان عبوری حکومت سے دہشت گردوں کیخلاف مؤثر کارروائی کا مطالبہ کیا ہے۔

ترجمان کا کہنا تھا کہ پاکستان کا مؤقف ہے کہ افغان طالبان فتنہ الخوارج اور ٹی ٹی پی کی معاونت کررہےہیں،پاکستان نے افغانستان میں دہشتگردوں کی محفوظ پناہ گاہوں پر تشویش کااظہار کیا۔ پاکستان نے افغان سرزمین سے دہشتگردی پر مکمل تحقیقات اور کارروائی کا مطالبہ بھی کیا۔