سب سے بڑی دہشتگردی یہ ہے کہ بندوق کے زور پر لوگوں سے ووٹ کا حق چھین لیا گیا، محمود اچکزئی

?️ 3 مئی 2025

صوابی: (سچ خبریں) پختونخواہ ملی عوامی پارٹی کے چیئرمین محمود خان اچکزئی کا کہنا ہے کہ جب تک ادارے سیاست میں مداخلت کریں گے ملک ترقی نہیں کرسکتا۔

تفصیلات کے مطابق صوابی میں جرگہ سے خطاب کرتے ہوئے انہوں نے کہا کہ پاکستان میں سب سے بڑی دہشت گردی یہ ہے کہ 8 فروری کو بندوق کے زور پر لوگوں سے ووٹ کا حق چھین لیا گیا، یہ حکومت کس طرح آئی ہے کسی کو سمجھانے کی ضرورت نہیں، سب آئین کے اندر کام کریں اور پارلیمنٹ کو ملک کا سر چشمہ ہونا چاہیئے۔

محمود خان اچکزئی کہتے ہیں کہ پانی کی تقسیم میں 50 فیصد پنجاب، 38 فیصد سندھ، 8 فیصد خیبرپختونخواہ اور 3 فیصد بلوچستان کو دیا جا رہا ہے، پختونخواہ ملی عوامی پارٹی اس تقسیم کو بلکل مسترد کرتی ہے، ہم چاہتے کہ پاکستان یکجا ہو لیکن وہ تب ممکن ہوگا جب سب کو برابر کے حقوق اور وسائل پر پورا حق ملے گا، وزیراعلیٰ خیبرپختونخواہ علی امین گنڈاپور کو چاہیئے کہ اپنے صوبے میں بھی دریاؤں سے نہریں نکالیں تاکہ ہماری زمینیں بھی آباد ہوجائیں۔

پختونخواہ ملی عوامی پارٹی کے چیئرمین نے مزید کہا کہ ہمارا صوبہ وسائل سے مالا مال ہے، ہمیں کسی کی خیرات کی ضرورت نہیں، خیبرپختونخواہ اور بلوچستان میں دنیا کے تمام تر وسائل موجود ہیں، آئی ایم ایف سے جو قرضے لیے جا رہے ہیں اس میں بلوچستان اور خیبرپختونخوا کو آج تک کتنا حصہ ملا؟ پاکستان کو چلانے کے لیے اپنے وسائل دیں گے لیکن ہمیں بھی اتنا حصہ چاہیئے کہ ہم اپنے مسافر نوجوانوں کو واپس لاسکیں۔

علاوہ ازیں ان کا یہ بھی کہنا تھا کہ ہماری موجودہ حکومت طاقت ور حلقوں کی سپورٹ سے قابض ہیں، افسوس سے کس طرح حکومت بین الاقوامی معاملات کو ہینڈل کر رہی ہے، یہ سب طریقہ انتہائی افسوسناک ہے، نہ میں نے کسی کو گالی دینی ہے نہ برا بھلا کہنا ہے لیکن ہم م دو دھاری تلوار سے کٹنا نہیں چاہتے،ہم آئی ایم ایف سے پوچھنا چاہتے ہیں بلوچستان اور خیبرپختونخوا میں ان کے کون سے پیسے لگے ہیں؟ یہ آئی ایم ایف سے پوچھنا ہمارا فرض ہے۔

انہوں نے کہا کہ چھ ہائی ویز بنانے کا دعوی کیا گیا تھا لیکن ابھی تک کوئی شاہراہ پر کام نہیں شروع کیا گیا، یہ ملک افریقہ یا نیروبی نہیں ہے، ہم دنیا کے تمام ترقی یافتہ ممالک سے ڈیمانڈ کرتے ہیں تو پاکستان کے عوام سے رشتہ بنائیں، پاکستان کے عوام سے یورپ، امریکہ اور چائنہ برابری پر رشتہ بنا سکتے ہیں لیکن تمام ممالک ووٹ چوروں سے بات چیت کر رہے ہیں، وہپاکستان میں ضمیر فروشوں اور ووٹ چوروں سے رشتہ بنا رہے ہیں