خانپور: (سچ خبریں) قومی اسمبلی میں اپوزیشن لیڈر عمر ایوب خان نے کہا ہے کہ خیبرپختونخواہ پورے ملک کو بجلی فراہم کرتا ہے، صوبے کیساتھ سوتیلی ماں جیسا سلوک ہو رہا ہے، وفاقی حکومت خیبرپختونخوا میں لوڈشیڈنگ کے ذریعے ووٹ نہ دینے کا بدلہ لے رہی ہے،ہم ہر فسطائیت اور انتقامی کارروائی کا ڈٹ کر مقابلہ کریں گے۔
خانپور میں منعقدہ تقریب سے خطاب کرتے ہوئے اپوزیشن لیڈر کا مزید کہنا تھا کہ عمران خان کے مقدمات کو غلط سمت موڑا جا رہا، بشریٰ بی بی کو بھی ناجائز مقدمے میں گھسیٹا جا رہا ہے۔
عمران خان بہت جلد ہم سب کے درمیان ہوں گے، اسلام آباد ہائیکورٹ کے 6 ججز کو حق گوئی پر سلام پیش کرتا ہوں۔ ججز کے انصاف کی وجہ سے ایک حوصلہ پیدا ہوا، پرامید ہیں کہ جبر اور ظلم کی رات جلد ہی چھٹ جائے گی۔
اپوزیشن لیڈر عمر ایوب نے کہا ہے کہ خانپور میں بجلی اور سوئی گیس کی مد میں 14 ارب کے ترقیاتی کام کروائے، واپڈا حکام کو اپنے چیمبرمیں طلب کر کے بجلی کی لوڈشیڈنگ سے متعلق دریافت کیا، واپڈا ذمہ داران کے پاس کوئی جواب نہ تھا۔
فقط بہانے سننے کو ملے۔میں انسداد دہشتگردی کی عدالت میں پیش ہوا، میرے اوپر فقط پنڈی شہر میں لاتعداد جھوٹے مقدمات درج ہیں، ناکردہ گناہ کی سزا بھگت رہا ہوں جو فقط انتقامی کارروائی ہے۔خواتین پرجھوٹے سیاسی کیس بنائےاس سےخواتین کی توہین ہوئی،۔بانی پی ٹی آئی عمران خان اور بشریٰ بی بی کو قید میں رکھنے کا کیس مر چکا ہے۔سیاسی طور پر بنائے گئے کیسز میں تاخیری حربے استعمال کیے جا رہے ہیں۔خاور مانیکا نے گزشتہ روز عدالت میں اشتعال انگیز گفتگو کی لیکن اس پر ہم نے تحمل کا مظاہرہ کیا۔خاور مانیکا نے کل عدالت میں نامناسب الفاظ کا استعمال کیا۔عدالتوں پر یقین ہے ہمیں ضرور انصاف ملے گا۔
