حکومت نے سی پیک کے تحت کراچی کے لئے ایک بڑا اعلان کیا

?️

اسلام آباد (سچ خبریں) پاکستان تحریک انصاف کی وفاقی حکومت نے سی پیک کے تحت کراچی کو جدید شہری انفرا اسٹرکچر زون کی فراہمی کا اعلان کردیا۔ اطلاعات کے مطابق یہ اعلان وزارت بحری امور کی جانب سے کیا گیا ، منصوبہ کے پی ٹی کے ساتھ شراکت میں براہ راست چینی سرمایہ کاری سے تعمیر ہوگا ، 3 اعشاریہ 5 ارب ڈالر سے مکمل ہونے والا منصوبہ کراچی کو ایک جدید شہری انفرا اسٹرکچر زون فراہم کرے گا۔
سماجی رابطوں کی ویب سائٹ ٹوئٹر پر منصوبے کی تفصیلات جاری کرتے ہوئے وفاقی وزیر برائے ساحلی امور علی زیدی نے کہا کہ منصوبہ پاکستان کے لیے گیم چینجر ثابت ہوگا کیوں کہ اسلام آباد اور بیجنگ میں منعقد سی پیک پر دسویں جوائنٹ کوآپریشن کمیٹی کے اجلاس میں دونوں ممالک نے کراچی کوسٹل کمپری ہینسیو ڈیولپمنٹ زون کو سی پیک فریم ورک میں شامل کرنے پر اتفاق کرلیا ہے ، کراچی کوسٹل کمپری ہینسیو ڈیولپمنٹ زون (کے سی سی ڈی زیڈ) 3.5ارب ڈالر سے مکمل ہونے والا منصوبہ کراچی کو ایک جدید شہری انفرااسٹرکچر زون فراہم کرے گا ، منصوبے کے لیے کراچی پورٹ کے مغربی بیک واٹر کی 640 ایکڑ دلدلی زمین ری کلیم کی جائے گی جہاں منصوبہ کے پی ٹی کے ساتھ شراکت میں براہ راست چینی سرمایہ کاری سے تعمیر ہوگا۔

اپنے بیان میں انہوں نے کہا کہ چین کی معاونت سے تعمیر ہونے والے اس اہم پراجیکٹ کو ایک ہاربر برج کے ذریعے کراچی سے منسلک کیا جائے گا یہ پل پاکستان ڈیپ واٹر پورٹ کے عقب سے شروع ہوکر منوڑہ جزیرے اور سینڈزپٹ کے ساحل پر ختم ہوگا ، منصوبے میں لیاری ندی پر واٹر ٹریٹمنٹ پلانٹ کی تعمیر بھی شامل ہے ، وزیر اعظم عمران خان کے وژن کے تحت کم لاگت کی رہائشی سہولت کی فراہمی بھی کے سی سی ڈی زیڈ منصوبے کا حصہ ہے جس سے ملحقہ کی آبادیوں کے 20 ہزار خاندانوں کی ری سیٹلمنٹ کی جائے گی۔
علی زیدی نے بتایا کہ اس ماحول دوست منصوبے میں کراچی پورٹ پر چار نئی برتھوں کا بھی اضافہ کیا جائے گا جس سے پاکستان کے بڑھتے ہوئے میری ٹائم سیکٹر کی استعداد میں اضافہ ہوگا ، جدید سہولتوں سے آراستہ فشنگ پورٹ اور عالمی معیار کا فشریز پراسیسنگ زون بھی منصوبہ کا حصہ ہے جس سے پاکستان کے تجارتی امکانات میں اضافہ ہوگا ، منصوبہ میرین ایکو سسٹم کو بہتر بنانے کے ساتھ سمندری آلودگی کو بھی کم کرنے کا ذریعہ بنے گا۔

مشہور خبریں۔

نئے پوپ نے آج کی انسانی زندگی میں پیسے، ٹیکنالوجی اور لذت کی مرکزیت پر افسوس کا اظہار کیا

?️ 10 مئی 2025سچ خبریں: پوپ لیو ۱۴ویں نے نئے پوپ کی حیثیت سے اپنے

اسٹارک لنک پاکستان میں رجسٹرڈ ہوگئی، خدمات کی فراہمی کیلئے حکومتی منظوری کی منتظر

?️ 5 جنوری 2025 اسلام آباد: (سچ خبریں) وزیر مملکت برائے آئی ٹی و ٹیلی

وزیراعظم کا وزیر صحت پنجاب کی کارکردگی پر اطمینان کا اظہار

?️ 17 فروری 2022لاہور(سچ خبریں) وزیر اعظم عمران خان نے پنجاب کی وزیر صحت ڈاکٹر

روس کی ضمانت کے بغیر بائیڈن نے یوکرین کا دورہ کرنے کی ہمت نہیں کی: ماسکو

?️ 24 فروری 2023سچ خبریں:روس کی وزارت خارجہ کی ترجمان ماریا زاخارووا نے جو بائیڈن

ڈسکہ الیکشن میں دھاندلی رپورٹ کو حقائق کے منافی ہے

?️ 6 نومبر 2021لاہور(سچ خبریں) سابق معاون خصوصی اطلاعات فردوس عاشق اعوان نے ڈسکہ الیکشن

عراق کے خلاف امریکی شیطانی منصوبے

?️ 16 جولائی 2023سچ خبریں: عراقی کوآرڈینیشن فریم ورک اتحاد کے رہنماوں میں سے ایک

پاکستان کا نوجوان حصول علم کے لئے کوشاں ہے: صدر مملکت

?️ 20 فروری 2022اسلام آباد (سچ خبریں) صدر مملکت ڈاکٹر عارف علوی کا کہنا ہے

وزیر خارجہ نے کشمیر کے مسئلے پر تجاویز پیش کی ہیں

?️ 11 نومبر 2021اسلام آباد(سچ خبریں) وزیرخارجہ شاہ محمود قریشی نے اسلامی تعاون تنظیم (او

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے