حکومت نے بحریہ ٹاؤن افسران کو جہاز سے اتارنے کا جواز پیش کرنے کیلئے وقت مانگ لیا

طاہر بٹ اور مسٹر ظر اقبال شاہ بحریہ ٹاؤن کے زمین سے متعلق معاملات کی نگرانی کرتے ہیں، جب کہ منظور حسین مغل متنازع پراپرٹی ڈویلپر ملک ریاض کے تمام رئیل اسٹیٹ پروجیکٹس کے لیے چیف سرویئر کے اہم عہدے پر فائز ہیں۔

جمعرات کو جسٹس محسن اختر کیانی نے درخواست گزار منظور حسین مغل کا نام نو فلائی لسٹ میں شامل کرنے پر وزارت دفاع سے جواب طلب کرلیا۔

اسسٹنٹ اٹارنی جنرل بیرسٹر عثمان گھمن نے وزارت سے تفصیلی جواب جمع کرانے کے لیے مہلت مانگ لی۔

بعد ازاں عدالت نے سماعت 5 جون تک ملتوی کر دی۔

یاد رہے کہ بحریہ ٹاؤن کے تین عہدیداروں کی آف لوڈنگ کو پراپرٹی ٹائیکون ملک ریاض کے خلاف دیگر حالیہ کارروائیوں کے ایک حصے کے طور پر دیکھا جا رہا ہے، جس کی انہوں نے حالیہ سوشل میڈیا پوسٹس میں مذمت کی، اس ہفتے کے شروع میں فرم کے راولپنڈی دفاتر پر بظاہر نیب اور مقامی پولیس نےچھاپے بھی مارے۔