?️
کراچی: (سچ خبریں) حکومت سندھ کراچی میں ’پلاسٹک کی سڑکیں‘ بنانے پر غور کر رہی ہے اور نگران وزیراعلیٰ نے حکام کو ہدایت کی ہے کہ وہ اس منصوبے کے قابل عمل ہونے سے متعلق تفصیلات و سفارشات پیش کریں۔
میڈیا رپورٹس کے مطابق چند ماہ قبل ایک آئل مارکیٹنگ کمپنی نے 2.5 ٹن سے زیادہ ضائع شدہ پلاسٹک کی بوتلوں کو ری سائیکل کر کے شہر قائد میں 730 فٹ لمبی اور 60 فٹ چوڑی پہلی پلاسٹک کی سڑک متعارف کروائی تھی۔
سندھ سالڈ ویسٹ مینجمنٹ بورڈ کی جانب سے شہر میں روزانہ ہزاروں ٹن سالڈ ویسٹ اکٹھا کیا جاتا ہے، اس کے پاس روزانہ کی بنیاد پر پانچ ٹن کچن ویسٹ کو کھاد میں اور اتنی ہی ٹن پلاسٹک کے کچرے کو ری سائیکل کرنے کے لیے دو پلانٹ ہیں۔
پلاسٹک کی سڑک کی تعمیر سے متعلق معاملے پر محکمہ ورکس اینڈ سروسز کے اجلاس میں تبادلہ خیال کیا گیا جہاں نگران وزیر اعلیٰ جسٹس ریٹائرڈ مقبول باقر نے محکمے کے ترقیاتی پورٹ فولیو کا جائزہ لیا۔
انہوں نے کہا کہ بیشتر ممالک نے پلاسٹک کی سڑکیں بنانا شروع کر دی ہیں، کراچی شہر میں بھی اس کی ضرورت ہے۔
انہوں نے محکمے کو ہدایت کی کہ وہ اس معاملے کا مکمل جائزہ لے اور ضروری کارروائی کے لیے اپنی سفارشات پیش کرے۔
سیکریٹری ورکس نے وزیر اعلیٰ کو سندھ کے مختلف اضلاع میں کیے گئے انسپکشنز کی پیشرفت سے آگاہ کیا۔
انہوں نے وزیراعلیٰ کو ایک نیا انسپکشن پروفارما اور محکمے کی جانب سے تیار کردہ اس کے پیرامیٹرز بھی بھی دکھائے، وزیراعلیٰ نے محکمے کو ہدایت کی کہ وہ انسپکشن رپورٹ کے پروفارما میں نیا کالم شامل کرے تاکہ اسکیم/پروجیکٹ پر نظرثانی کی وجوہات اور تفصیلات کی عکاسی کی جاسکے۔
وزیراعلیٰ سندھ نے محکمہ ورکس کو ہدایت کی کہ وہ انسپکشن پروفارما میں پروجیکٹ پر کام کرنے والے ٹھیکیدار اور افسران کی کارکردگی کے بارے میں بھی کالم شامل کرے۔
انہوں نے محکمہ ورکس کو ہدایت کی کہ وہ بدعنوان اور مختلف ترقیاتی منصوبوں کے ناقص کام کا باعث بننے والے افسران کے خلاف سخت محکمانہ کارروائی کرے۔
انہوں نے دوٹوک الفاظ میں کہا کہ غیر معیاری کام کو برداشت نہیں کیا جائے گا اور اس میں ملوث افراد کو کیفر کردار تک پہنچایا جائے گا۔
جسٹس ریٹائرڈ مقبول باقر نے ہدایت کی کہ سرکاری گاڑیوں کی لاگ بک کی مناسب دیکھ بھال کی جائے، انہوں نے کہا کہ روڈ سیفٹی ریسرچ پروگرام شروع کیے جائیں۔
وزیر اعلیٰ نے سیکریٹری ورکس کو یہ بھی ہدایت کی کہ ان منصوبوں کے سوا جو پبلک پرائیویٹ پارٹنرشپ موڈ پر چل رہے ہیں، مختلف صوبائی شاہراہوں پر جمع ہونے والے تمام ٹیکسز کا تھرڈ پارٹی آڈٹ کرایا جائے۔


مشہور خبریں۔
ہم آپریشن ڈان باس میں اپنے مقاصد حاصل کر لیں گے: پیوٹن
?️ 30 جون 2022سچ خبریں: روسی صدر ولادیمیر پیوٹن نے جمعرات کی صبح کہا کہ
جون
افغانستان میں ہسپتال پر راکٹ حملہ، بڑے پیمانے پر تباہی کی اطلاعات
?️ 24 جون 2021کابل (سچ خبریں) افغانستان سے یکم مئی کے بعد امریکی افواج کے انخلا
جون
صیہونی: ایران نے اسرائیل کو جنگ کا اصل چہرہ دکھا دیا
?️ 17 جون 2025سچ خبریں: اس بات کا اعتراف کرتے ہوئے کہ ایران میں ایک
جون
ریاض اور صیہونی حکومت کے تعلقات کا فلسطینی ریاست کی تشکیل پر کوئی اثر نہیں
?️ 2 اکتوبر 2023سچ خبریں:عبدالرحمن الراشد نے بتایا کہ سعودی عرب نے اسرائیل کے ساتھ
اکتوبر
اگر اسرائیل نہ ہوتا تو امریکہ کیا کرتا؟
?️ 19 اکتوبر 2023سچ خبریں: امریکہ کے صدر نے بیت المقدس پر قابضین کے ساتھ
اکتوبر
عمران خان نے جیل سے نکال کر گھر میں نظربند رکھنے کی ڈیل مسترد کردی
?️ 28 دسمبر 2024راولپنڈی: (سچ خبریں) بانی پی ٹی آئی عمران خان نے جیل سے
دسمبر
یمن کے خلاف نئی امریکی جارحیت
?️ 13 مارچ 2025 سچ خبریں:امریکہ نے یمن کے خلاف نئی فضائی جارحیت کا مظاہرہ
مارچ
تارکین وطن ایک بار پھر پانی کی نظر
?️ 12 اپریل 2022سچ خبریں:تیونس کے پانیوں میں تارکین وطن کی دو کشتیاں ڈوب جانے
اپریل