بینظیر بھٹو کے یومِ شہادت پر سندھ میں عام تعطیل کا اعلان

?️ 22 دسمبر 2025

کراچی (سچ خبریں) حکومتِ سندھ نے ہفتہ 27 دسمبر 2025ء کو سابق وزیرِ اعظم اور پیپلز پارٹی کی چیئرپرسن بینظیر بھٹو کے یومِ شہادت پر سندھ میں عام تعطیل کا اعلان کر دیا۔

اس حوالے سے کراچی سے جاری اعلامیہ کے مطابق ہفتے کو سندھ بھر میں عام تعطیل ہوگی۔

سندھ حکومت کی جانب سے ہر سال اس دن عام تعطیل کی جاتی ہے اور ان کی یاد میں پیپلز پارٹی کے زیرِ اہتمام مختلف تقاریب منعقد کی جاتی ہیں۔

واضح رہے کہ محترمہ بے نظیر بھٹو کو 27 دسمبر 2007ء کو راولپنڈی میں ہونے والے جلسے کے بعد شہید کر دیا گیا تھا۔