بھارت: 3 سال میں 150 چرچ جلائے، 100 مساجد شہید کی گئیں۔ طاہر اشرفی

?️ 18 دسمبر 2025

اسلام آباد (سچ خبریں) چیئرمین پاکستان علما کونسل حافظ طاہراشرفی نے کہا کہ بھارت اقلیتوں کے لیے جیل بن چکا ہے، بھارتی بربریت کیخلاف عالمی برادری کو کھڑا ہونا ہوگا۔

نیوز کانفرنس کرتے ہوئے چیئرمین پاکستان علما کونسل حافظ طاہراشرفی کا کہنا تھا کہ نریندرمودی حکومت میں تین برسوں میں 150 سے زائد چرچ جلائے گئے، بھارت میں 100 سے زائد مساجد کو شہید کیا گیا۔

حافظ طاہر اشرفی نے کہا کہ آسٹریلیا میں پیش آئے افسوسناک واقعہ میں بھی بھارتی شہری ملوث ہے، بھارت میں سکھوں، مسلمانوں سمیت تمام اقلیتوں پر مظالم ڈھائے جا رہے ہیں۔

چیئرمین پاکستان علما کونسل کا کہنا تھا کہ مسلم امہ سے اپیل ہے کہ بھارتی بربریت کی شدید مذمت کی جائے، پاکستان کی حکومت اور عوام آسٹریلیا کےعوام کے ساتھ یکجہتی کا اظہار کرتے ہیں۔