بھارت اور پاکستان کے تمام مسائل کے حل کے لئے مذاکرات ضروری ہیں:اسد عمر

?️ 26 اکتوبر 2021

اسلام آباد (سچ خبریں)وفاقی وزیر اسد عمر کا کہنا ہے کہ بھارت اور پاکستان کے تمام مسائل کے حل کے لئے جامع مذاکرات ضروری ہیں ، جامع مذاکرات سے مستقبل میں امن اور خوش حالی حاصل ہوسکتی ہے، جس کے لیے پاکستان تیار ہے، کیا بھارت بھی تیار ہے؟بھارت نے مائنڈ سیٹ بنالیا ہے کہ پاکستان کو کچلا جا سکتا ہے۔

سماجی رابطے کی ویب سائٹ ٹوئٹر پر جاری کیئے گئے ایک بیان میں وفاقی وزیر اسد عمر نے کہا ہے کہ پاکستان نے کورونا وائرس کے ساتھ مقابلے میں اور اب کرکٹ کے میدان میں بھی بھارت کو پیچھے چھوڑ دیا ہے۔انہوں نے کہا کہ بھارت میں مائنڈ سیٹ بن چکا ہے کہ پاکستان کو کچلا جا سکتا ہے، اختلافات ختم کرنے کی ضرورت نہیں۔جبکہ دونوں ممالک کو اختلافات ختم کرنے کی اہم ضرورت ہے۔

اسد عمر نے مزید کہا کہ بالا کوٹ تنازع میں پاکستان نے بھارت پر غلبہ حاصل کیا، پاکستان اور بھارت کے تمام مسائل کے حل کے لیے جامع مذاکرات ہونے چاہئیں۔ وفاقی وزیر کا یہ بھی کہنا ہے کہ دونوں ممالک کی مشترکہ جغرافیائی قربت کو ختم نہیں کیا جا سکتا، جامع مذاکرات سے مستقبل میں امن اور خوش حالی حاصل ہو سکتی ہے۔