?️
اسلام آباد:(سچ خبریں) بلوچستان اسمبلی نے کوئٹہ سمیت صوبے کے دیگر علاقوں میں گیس اور بجلی کی قلت کا معاملہ وفاقی حکومت کے ساتھ اٹھانے کے لیے خصوصی کمیٹی تشکیل دے دی۔ تشکیل کردہ کمیٹی کی سربراہی قائم مقام اسپیکر سردار بابر خان موسیٰ خیل کریں گے۔
کمیٹی میں اپوزیشن لیڈر ملک سکندر خان (جے یو آئی ف)، میر نصیب اللہ مری (پی ٹی آئی)، محمد اصغر خان اچکزئی (اے این پی)، میر اسد اللہ بلوچ (بی این پی عوامی)، عبدالخالق ہزارہ (ہزارہ ڈیموکریٹک)، نصر اللہ زیری (پی کے میپ) نوابزادہ گوہ رام بگٹی (جے ڈبیلو پی) بشریٰ رند اور سکندر عمرانی (بی اے پی) شامل ہیں۔
تشکیل کردہ کمیٹی میں شامل اراکین صوبائی اسمبلی وزارت پیٹرولیم، توانائی اور دیگر حکام کے ساتھ مسائل اٹھانے کے لیے اسلام آباد کا دورہ کریں گے۔
یہ کمیٹی پارلیمانی سیکریٹری برائے صحت خلیل گیریج بھٹو کی جانب سے ایوان میں گیس اور بجلی کی قلت کے خلاف تحریک پیش کیے جانے کے بعد تشکیل دی گئی ہے۔
انہوں نے کہا کہ کوئٹہ اور دیگر علاقوں میں موسم سرما کے آغاز سے ہی گیس کی شدید قلت ہے، کم پریشر اور بجلی کی طویل لوڈ شیڈنگ کی وجہ سے لوگوں کو مشکلات کا سامنا ہے۔
انہوں نے کہا کہ اسمبلی نے پہلے بھی اس مسئلے پر قرارداد منظور کی تھی لیکن متعلقہ حکام کی جانب سے مسائل کے حل کے لیے کوئی اقدامات نہیں کیے گئے۔
پوائنٹ آف آرڈر پر بات کرتے ہوئے سابق وزیر خزانہ اور بی اے پی کے رہنما میر ظہور احمد بلیدی نے ضلع کیچ میں گندم کی قلت کا مسئلہ اٹھایا۔
انہوں نے دعویٰ کیا کہ صوبائی محکمہ خوراک کے پاس گندم کے 40 لاکھ تھیلے اسٹاک ہیں لیکن ضلعے میں صرف 2 ہزار تھیلے فراہم کیے گئے جس کی وجہ سے علاقے میں غذائی قلت پیدا ہوگئی۔
انہوں نے مطالبہ کیا کہ گندم کا کوٹہ ضلع کی ضرورت کے مطابق مقرر کیا جائے۔
اجلاس کے دوران ایوان نے ’دی بلوچستان کیڈٹ کالجز (ترمیمی) بل 2022‘ اور ’بلوچستان ڈرگز (ترمیمی) بل 2022‘ بھی منظور کیے جس کے بعد اجلاس کورم پورا نہ ہونے کے باعث منگل تک ملتوی کردیا گیا۔


مشہور خبریں۔
ایران کی نظامی اور سیاسی استحکام کی وجہ سے امریکی تسلط ہوا تباہ: انصاراللہ
?️ 16 جون 2026سچ خبریں: ایران اور امریکہ کے درمیان طے پانے والے معاہدے پر
جون
جام کمال کا اپوزیشن میں بیٹھنے پر رضا مندی کا اظہار
?️ 24 اکتوبر 2021کوئٹہ ( سچ خبریں ) وزیراعلیٰ بلوچستان جام کمال نے اپوزیشن میں
اکتوبر
شام میں ملوث ہونا اسرائیل کو مہنگا پڑے گا: ہاریٹز
?️ 11 دسمبر 2024سچ خبریں: عبرانی اخبار Ha’aretz نے شام میں صیہونی حکومت کی جارحانہ
دسمبر
بی بی سی کے خلاف مقدمہ ٹرمپ کو مہنگا پڑ گیا؛ثبوت پیش کرو
?️ 25 جولائی 2026سچ خبریں:امریکی وفاقی عدالت نے بی بی سی کے خلاف 10 ارب
جولائی
یمنیوں کا فلسطین کے ساتھ اظہار یکجہتی
?️ 28 مارچ 2022سچ خبریں:یمنی عوام نے سعودی اتحاد کی جارحیت کے خلاف احتجاج اور
مارچ
عسکری قیادت کی وزیراعظم کو قومی، علاقائی سلامتی کے معاملات پر بریفنگ
?️ 3 مئی 2023اسلام آباد:(سچ خبریں) فوجی قیادت نے وزیراعظم شہباز شریف کو قومی اور
مئی
ٹرمپ مافیا کے سرغنہ اور انتہائی متحرک افراد کی طرح برتاؤ کر رہے ہیں: برطانوی حزب
?️ 20 اپریل 2026 سچ خبریں:برطانوی لبرل ڈیموکریٹک پارٹی کے نائب ایڈ ڈیوی نے کہا
اپریل
روس میں 3 روزہ صدارتی انتخابات کا آغاز
?️ 15 مارچ 2024سچ خبریں: روس کے 3 روزہ صدارتی انتخابات کا آغاز اہل امیدواروں
مارچ