?️
اسلام آباد: (سچ خبریں) فیڈرل بورڈ آف ریونیو (ایف بی آر) نے پراپرٹی ٹرانزیکشنز پر فیڈرل ایکسائز ڈیوٹی (ایف ای ڈی) واپس لینے کی سمری وفاقی کابینہ میں جمع کرادی ہے۔
ڈان اخبار کی رپورٹ کے مطابق چیئرمین ایف بی آر راشد لنگڑیال نے ڈان کو بتایا کہ کابینہ کی جانب سے سمری کی منظوری کے بعد نوٹی فکیشن جاری کیا جائے گا۔
فنانس ایکٹ 2024 میں حکومت نے فائلرز پر 3 فیصد، لیٹ فائلرز پر 5 فیصد اور نان فائلرز پر 7 فیصد ایف ای ڈی عائد کی تھی، خیال کیا جاتا ہے کہ اس لیوی نے رئیل اسٹیٹ سیکٹر میں لین دین کو سست کردیا ہے۔
راشد لنگڑیال نے کہا کہ وزیراعظم شہباز شریف پہلے ہی ایف ای ڈی کی واپسی کے لیے گرین سگنل دے چکے ہیں، کیونکہ آئی ایم ایف نے اس اقدام پر کوئی اعتراض نہیں اٹھایا۔
تاہم چیئرمین ایف بی آر نے کہا کہ ان کے پاس پراپرٹی ٹرانزیکشنز سے ایف ای ڈی وصولی کے اصل اعداد و شمار نہیں ہیں۔
رئیل اسٹیٹ کے ماہرین نے پیشگوئی کی ہے کہ اگر ایف ای ڈی کو ختم کیا جاتا ہے تو مارکیٹ کی سرگرمی میں اضافہ ہوگا، کیونکہ اس سے خریداروں اور فروخت کنندگان کے لیے جائیداد کے لین دین زیادہ سستے ہوجائیں گے۔
ان کا مزید کہنا تھا کہ ٹرانسفر کی قیمتیں پہلے ہی زیادہ ہیں، اس لیے اس ریلیف سے بڑا فرق پڑے گا۔
بھاری ٹیکس کی وجہ سے گھر خریدنے سے ہچکچانے والے لوگ ایف ای ڈی ہٹانے کے بعد زیادہ آرام دہ محسوس کرسکتے ہیں، جس سے اگلے چند مہینوں میں زیادہ سرمایہ کاری اور مستحکم جائیداد کی قیمتیں پیدا ہوسکتی ہیں۔
چیئرمین ایف بی آر کا کہنا تھا کہ نوٹی فکیشن جلد جاری کر دیا جائے گا، جائیداد کے لین دین پر ایف ای ڈی پہلے ہی عدالت میں ہے، کیونکہ لوگوں نے اس پر سوال اٹھائے ہیں۔
ٹیکس مقاصد کے لیے پراپرٹی ویلیو ایشن ٹیبل پر نظر ثانی کے بارے میں راشد لنگریال نے کہا کہ بجٹ کے بعد ویلیو ایشن ٹیبلز پر توجہ دی جائے گی، ہم رواں مالی سال میں کوئی تبدیلی نہیں کریں گے۔
فی الحال جائیداد کے لین دین پر کیپٹل گین ٹیکس (سی جی ٹی)، کیپیٹل ویلیو ٹیکس (سی وی ٹی)، ایڈوانس ٹیکس (236 سی اور 236 کے) اور شہری غیر منقولہ جائیداد ٹیکس سمیت متعدد ٹیکس عائد ہیں۔
سی جی ٹی کا اطلاق پراپرٹی کی فروخت سے ہونے والے منافع پر ہوتا ہے، فائلرز اور نان فائلرز کے لیے شرحیں مختلف ہوتی ہیں۔
سی وی ٹی پراپرٹی کی مناسب مارکیٹ ویلیو پر ایک سالانہ ٹیکس ہے، خرید و فروخت پر ایڈوانس ٹیکس وصول کیا جاتا ہے، جس میں نان فائلرز کے لیے زیادہ شرحیں ہوتی ہیں۔
ڈیمڈ رینٹل انکم ٹیکس (سیکشن 7 ای) بھی ڈھائی کروڑ روپے سے زائد کی جائیدادوں پر فرضی کرایہ کی آمدنی کا تصور کرتا ہے، اور اس پر 20 فیصد ٹیکس عائد کرتا ہے۔
مشہور خبریں۔
نیویارک کے میئر پر ترکی سے رشوت لینے کا باقاعدہ الزام عائد
?️ 26 ستمبر 2024سچ خبریں: امریکی ذرائع ابلاغ کے مطابق نیویارک کے میئر کو ترکی
ستمبر
ہم یوکرین میں جنگ کا خاتمہ چاہتے ہیں: بائیڈن
?️ 21 ستمبر 2022سچ خبریں: اقوام متحدہ کی جنرل اسمبلی کے 77ویں اجلاس میں اپنے
ستمبر
جان بوجھ کر قتل؛ مہلک جال جو غزہ کے بھوکے لوگوں کو موت کے منہ میں لے آئے
?️ 2 جون 2025سچ خبریں: فلسطینی ذرائع نے قابضین کی جانب سے امریکی امداد کی
جون
ایران کے اسرائیل پر حملے میں عراقی سرزمین کا استعمال نہیں ہو گا:عراقی وزیر خارجہ
?️ 8 نومبر 2024سچ خبریں: عراق کے وزیر خارجہ فواد حسین نے مغربی میڈیا کی
نومبر
سندھ حکومت نے صدر سے کیا مانگ کی ہے؟
?️ 9 اگست 2024سچ خبریں: سندھ کے وزیر توانائی ناصر شاہ نے صدر آصف زرداری
اگست
زیلینسکی اور پوٹن کے درمیان جلد ملاقات متوقع
?️ 21 اگست 2025سچ خبریں: صدر فرانس ایمانوئل مکرون کا کہنا ہے کہ انہیں توقع
اگست
میانمار میں سابق برطانوی سفیر کی گرفتاری
?️ 25 اگست 2022سچ خبریں: جمعرات کو باخبر مغربی ذرائع نے میانمار میں سابق
اگست
امریکہ کا دوسرا بڑا بینک بند
?️ 16 مارچ 2023سچ خبریں:ایک دوسرا امریکی بینک غیر معینہ مدت کے لیے بند ہو
مارچ