🗓️
سچ خبریں:کراچی میں ہونے والی وحدت امت کانفرنس میں متعدد ایرانی اور پاکستانی شخصیات نے امریکی اور صیہونی سازشوں کا مقابلہ کرنے کے لیے مذاہب اسلامی کے درمیان اتحاد کی ضرورت پر زور دیا۔
گزشتہ روز قومی یکجہتی کونسل آف پاکستان کے زیر اہتمام کراچی میں تقریب اسلامی مذاہب کے وفد اور پاکستانی سیاسی اور مذہبی رہنماؤں کی موجودگی میں وحدت امت کانفرنس منعقد ہوئی،اس کانفرنس میں ایرانی اور پاکستانی شخصیات نے تفرقہ کے روکنے کیلیے قرآن مجید اور پیغمبر اکرم ؐکی تعلیمات پر عمل کرنے کی ضرورت پر زور دیتے ہوئے امریکی- صیہونی سازشوں کے مقابلہ کرنے کے لیے اسلامی مذاہب کے اتحاد کے فروغ کا مطالبہ کیا۔
پاکستان کے دورے پر آئے ہوئے تقریب اسلامی مذاہب کے سیکرٹری جنرل علامہ "حمید شہریاری” نے اس کانفرنس کے میہمان خصوصی کی حیثیت سے تقریر کر کے اسلامی ممالک کا اتحاد بنانے کے لیے اسلامی مذاہب کی طرف سے عملی اقدامات اٹھانے پر زور دیا،انہوں نے کہا کہ مسلمانوں کو ناجائز صیہونی حکومت سمیت استکباری طاقتوں کی سازشوں کے سامنے چوکس رہنا چاہیے اور ہوشیار رہیں کہ دشمن کی چال انہیں تقسیم، انتشار، توہین اور تشدد میں نہ جھونک سکے،شہریاری نے بتایا کہ مسلمانوں کو ایک دوسرے کے ساتھ برادرانہ اور رواداری کا رویہ اپنانا چاہیے اور اختلافات کو ہوا دینے سے ہٹ کر حقیقی اور بنیادی مشترکات یعنی خدا، پیغمبر اسلام ؐاور مسلمانوں کی مقدس کتاب قرآن پاک پر کاربند رہنا چاہیے۔
انہوں نے کہا کہ عقلمندی، رواداری، توہین سے اجتناب اور تکفیر سے دوری مسلمانوں کا نصب العین ہونا چاہیے اور ہمیں دشمنوں کو اسلامی مذاہب کے درمیان اختلافات سے فائدہ اٹھانے کی اجازت نہیں دی جانی چاہیے،علامہ شہریاری نے بتایا کہ مسلمانوں کو جنگ، دہشت گردی، تکفیر، تنازعات اور جھگڑوں سے بچنا چاہیے،انہوں نے رسول اللہ ؐ کے نقش قدم پر چلنے میں شیعوں اور سنیوں کی یکجہتی کی ضرورت کا ذکر کرتے ہوئے امت اسلامیہ کی ہم آہنگی کو اہم قرار دیا۔
ایرانی مجلس ماہرین (مجلس خبرگان رہبری)میں زاہدان کے نمائندے مولانا "نذیر احمد سلامی” نے کہا کہ ہمیں موجودہ دور میں بہت سے چیلنجز کا سامنا ہے اور اسرائیل سپر پاورز کی حمایت سے عالم اسلام کا پہلا چیلنج ہے جوفلسطینی عوام پر ظلم ڈھا رہا ہے لہذا ہمیں متحد ہوناچاہیے۔
احمد سلامی نے بیت المقدس کو اپنا دارالحکومت بنانے کی صہیونی کوششوں کا حوالہ دیتے ہوئےکہا کہ تفرقہ پھیلانا ایک اور اہم مسئلہ ہے جس سے عالم اسلام کو خطرہ ہے۔
کراچی میں ایرانی قونصل جنرل "حسن نوریان” نے مسلمانوں کے درمیان اتحاد کو فروغ دینے اور پاکستانی مذہبی اسکالرز اور رہنماؤں کی شرکت کے لیے تقریب اسلامی مذاہب کی کوششوں پر شکریہ ادا کیا۔
انہوں نے مزید بتایا کہ ہمیں دشمن کی سازشوں سے باخبر رہنا چاہیے، صیہونی حکومت اور اس کے حامی اپنی طاقت کو مسلمانوں اور اسلامی معاشروں کے درمیان تشدد اور تفرقہ پھیلانے میں دیکھتے ہیں۔
نوریان نے مسلمانوں کے اظہار رائے کی آزادی، مذہب اور مقدسات کے سامنے مغربی ممالک کے دوغلے پن کی مذمت کرتے ہوئے کہاکہ مسلمانوں کا اتحاد اور باہمی افہام و تفہیم اتحاد و یکجہتی کو تباہ ہونے سے روکنے کے لیے ایک موثر اور ضروری طریقہ ہے۔
اس کانفرنس میں مقررین نے کہا کہ مسلمانوں کا اتحاد دشمنوں کی تفرقہ بازی کی راہ میں رکاوٹ ہے۔
نٹر نیشنل صوفی سکالر فورم کے سربراہ ڈاکٹر مسعود رضا شامی نے کہا کہ اس فورم کے دنیا بھر میں تقریباً 50 ملین ممبران ہیں اور رسول (ص) کی محبت مسلمانوں کے اتحاد کا محور ہے اور ہمیں تفرقہ پیدا نہیں کرنا چاہیے۔
پاکستان میں فلسطین فاؤنڈیشن کے سیکرٹری جنرل "صابر ابو مریم” نے مسئلہ فلسطین کو عالم اسلام کا گزشتہ نصف صدی کا سب سے اہم مسئلہ قرار دیتے ہوئے کہا کہ اسرائیل کی دہشتگرد حکومت کی علامت قتل و غارت ہے اور اگر مسئلہ فلسطین کے حل کا واحد راستہ صرف مسلمانوں کا اتحاد ہے۔
جنرل سلیمانی نے اسلامی اتحاد کی سمت میں بہت اچھا کام کیا ہے اور یکجہتی کونسل ایک ایسا گروپ ہے جو اسلامی اتحاد کے لیے کام کرتا ہے۔
مشہور خبریں۔
آزاد کشمیر کی قانون ساز اسمبلی کے 2 حلقوں میں ووٹوں کی گنتی جاری
🗓️ 11 اکتوبر 2021مظفر آباد (سچ خبریں) تفصیلات کے مطابق آزاد کشمیر کی قانون ساز
اکتوبر
روپے کی قدر میں کمی کے سبب غیر ملکی قرضوں میں اضافہ
🗓️ 6 اکتوبر 2023اسلام آباد: (سچ خبریں) وفاقی حکومت پر مقامی اور غیر ملکی قرضہ
اکتوبر
کیا پی ٹی آئی اختلافات کا شکار ہے؟شوکت یوسفزئی کی زبانی
🗓️ 1 جولائی 2024سچ خبریں: پاکستان تحریک انصاف کے رہنما شوکت یوسفزئی نے کہا ہے
جولائی
حماس غزہ جنگ کی فاتح
🗓️ 25 نومبر 2023سچ خبریں:جو بھی حماس کو تعزیت دے رہا ہے اسے 49 دن
نومبر
اڈیالہ جیل: دہشتگردی کا خدشہ، عمران خان سمیت تمام قیدیوں سے ملاقاتوں پر پابندی
🗓️ 12 مارچ 2024راولپنڈی: (سچ خبریں) راولپنڈی کی اڈیالہ جیل کو دہشتگردوں کی جانب سے
مارچ
جنوبی پنجاب میں حکومت نے اپوزیشن کو دعوت دی
🗓️ 19 جنوری 2022اسلام آباد (سچ خبریں) جنوبی پنجاب صوبہ بنانے کیلئے حکومت نے اپوزیشن
جنوری
غزہ پر صیہونی حکومت کے حملوں کی مذمت میں سیول میں مظاہرے
🗓️ 7 جولائی 2024سچ خبریں: صیہونی مخالف جذبات اور غزہ میں فلسطینی قوم کی حمایت
جولائی
غزہ میں صیہونی ہاری ہوئی فوج کی سب سے بڑی کامیابی
🗓️ 16 نومبر 2023سچ خبریں: تحریک حماس کے سیاسی بیورو کے رکن نے غزہ کے
نومبر