?️
اسلام آباد:(سچ خبریں) سابق وفاقی وزیر فیصل واڈا نے دعویٰ کیا ہے کہ القادر ٹرسٹ کیس میں سب سے زیادہ فائدہ اٹھانے والا اصل کردار سابق ڈی جی آئی ایس آئی لیفٹیننٹ جنرل فیض حمید ہیں۔
19 کروڑ پاؤنڈ کے کرپشن کیس میں اپنا بیان ریکارڈ کرانے کے لیے قومی احتساب بیورو (نیب) کے سامنے پیش ہونے کے بعد میڈیا سے گفتگو کرتے ہوئے انہوں نے دعویٰ کیا کہ سابق ڈی جی آئی ایس آئی فیض حمید القادر ٹرسٹ کیس کے ’ماسٹر مائنڈ‘ تھے۔
انہوں نے کہا کہ اس کیس سے متعلق میڈیا میں شہزاد اکبر، عمران خان اور دیگر سمیت بہت سے نام لیے جا رہے ہیں لیکن ایک نام جسے ہر کوئی بھول گیا وہ اس سب کے ڈیزائنر اور اس کرپشن اسکینڈل سے سب سے زیادہ فائدہ اٹھانے والے جنرل (ر) فیض حمید ہیں اور آپ جانتے ہیں کہ وہ سابق ڈی جی آئی ایس آئی ہیں۔
سابق پی ٹی آئی رہنما نے القادر ٹرسٹ کیس کا حوالہ دیتے ہوئے دعویٰ کیا کہ یہ ایک ’بہت معمولی کیس‘ ہے کیونکہ مزید تحقیقات سے اس سے بھی بڑے جرائم کا انکشاف ہوگا، ایک آدمی جس کی تنخواہ اپنے کیریئر کے آغاز سے پہلے 100 روپے ہو اور پھر وہ 10 ہزار روپے کمانے والا شخص بن جائے اور اس نے 10 کروڑ روپے کے اثاثے بنالیے تو میرے خیال میں زیادہ دور جانے کی ضرورت نہیں ہے۔
فیصل واڈا نے کہا کہ میں نے صرف جنرل (ر) فیض حمید کے ذاتی اثاثوں کی نشاندہی کی ہے اور ان کے دیگر افسوسناک جرائم کی وضاحت نہ کرکے ذمہ داری کا مظاہرہ کیا ہے، اگر کوئی ایجنسی جنرل (ر) فیض حمید کے آبائی شہر چکوال میں موجود اثاثوں کا جائزہ لے تو اس دعوے کی تصدیق ہو سکتی ہے۔
انہوں نے کہا کہ اگر آپ واقعی پاکستان کی خاطر آگے بڑھنا چاہ رہے ہیں تو احتساب بڑے پیمانے پر ہو گا، ایسا نہیں ہوگا کہ سیاستدانوں، پولیس حکام، بیوروکریٹس، میڈیا پرسنز اور تاجروں کا احتساب ہوگا لیکن کچھ لوگ قانون سے بالاتر رہیں گے۔
میڈیا سے گفتگو کے دوران انہوں نے یہ دعویٰ بھی کیا کہ جنرل (ر) فیض حمید نے شہزاد اکبر کو پاکستان سے فرار ہونے میں سہولت فراہم کی، فیصل واڈا نے’غلط فہمیاں’ پیدا کرنے پر صدر ڈاکٹر عارف علوی کو بھی تنقید کا نشانہ بنایا۔
انہوں نے مزید کہا کہ میں نے عمران خان کو ان کی پارٹی میں موجود ’سانپوں‘ کے بارے میں پہلے ہی خبردار کیا تھا، جو اب 9 مئی کے پرتشدد واقعات کی مذمت کے لیے جلد پریس کانفرنس کرنے والے ہیں۔


مشہور خبریں۔
فیصل واڈا نے قومی اسمبلی سے استعفیٰ دے دیا
?️ 3 مارچ 2021اسلام آباد (سچ خبریں) وفاقی وزیر برائے آبی وسائل اور سینیٹ انتخابات
مارچ
وزیراعظم آرمی چیف کے تقرر پر کسی بھی دباؤ کو قبول نہیں کریں گے۔
?️ 11 نومبر 2022اسلام آباد: (سچ خبریں) اگلے آرمی چیف کے تقرر کے حوالے سے
نومبر
وزیراعلی خیبرپختونخوا سہیل آفریدی پاکستان کا یورپ دیکھنے لاہور آئے ہیں۔ عظمی بخاری
?️ 26 دسمبر 2025لاہور (سچ خبریں) وزیر اطلاعات پنجاب عظمیٰ بخاری کا کہنا ہے کہ
دسمبر
نصراللہ نے ۳۰ سال سے اسرائیل کے خواب کو ایک ڈراؤنا خواب میں بدل دیا : عراقچی
?️ 30 ستمبر 2024سچ خبریں: عراقچی نے اتوار کی رات اپنے ایکس اکاؤنٹ پر لکھا
ستمبر
سوڈان کے بحران میں امریکہ اور اسرائیل کا تخریبی کردار اور عالمی خاموشی
?️ 19 نومبر 2025سچ خبریں:سوڈانی صحافی محمد سعد کامل نے کہا ہے کہ امریکہ اور
نومبر
کیا مسلمانوں کے قبلہ اول کے اوپر سے خطرہ ٹل گیا ہے؟
?️ 23 اگست 2023سچ خبریں: 54 سال قبل 21 اگست 1969 کو ایک صیہونی انتہا
اگست
فلسطینی کیمپ پر صیہونی حملہ، تین فلسطینی شہید اور چھ زخمی
?️ 15 مارچ 2022سچ خبریں: صیہونی فورسز کے درمیان جھڑپیں اس وقت ہوئیں جب انہوں
مارچ
افغانستان میں طالبان کی جانب سے متعدد علاقوں پر مزید قبضہ، ہرات صوبے کی اہم شخصیت کو گرفتار کرلیا
?️ 14 اگست 2021کابل (سچ خبریں) افغانستان میں طالبان کی جانب سے متعدد علاقوں پر
1 Comments
اگست