افغانستان کی معاشی تباہی کے اثرات پڑوسی ممالک پر پڑیں گے: قریشی

?️ 17 دسمبر 2021

اسلام آباد (سچ خبریں) وزیر خارجہ شاہ محمود قریشی کا کہنا ہے کہ افغانستان کی معاشی تباہی کے اثرات پڑوسی ممالک پر پڑیں گے، افغانستان کی فی الفور مدد نہ کی گئی تو انسانی بحران مزید بڑھ سکتا ہے اور ذراسی غفلت پورے خطے کو متاثرکرسکتی ہے۔پاکستان اپنا کردار ادا کر رہا ہے۔

تفصیلات کے مطابق وزیر خارجہ شاہ محمود قریشی نے افغانستان صورتحال کے حوالے سے وزرائے خارجہ کونسل اجلاس پر بیان میں کہا کہ افغانستان کی فی الفورمددنہ کی گئی توانسانی بحران مزیدبڑھ سکتا ہے، افغانستان کی معاشی تباہی کےاثرات پڑوسی ممالک پرپڑیں گے۔

شاہ محمود قریشی کا کہنا تھا کہ افغانستان کی صورتحال سےیورپی ممالک بخوبی آگاہ ہیں، افغانستان میں امن خطے اور دنیا کے مفاد میں ہے، ذراسی غفلت پورے خطے کو متاثرکرسکتی ہے۔وزیرخارجہ نے کہا کہ پاکستان، افغانستان سے متعلق جو بھی کردار ادا کرسکتا ہے کررہا ہے، او آئی سی وزرائے خارجہ اجلاس افغانستان سے متعلق طلب کیا گیا ہے ، افغانستان، اوآئی سی کابنیادی ممبرہےانہیں تنہانہیں چھوڑاجاسکتا۔

ان کا کہنا تھا کہ پاکستان افغانستان کی انسانی بنیادوں پرمدد کررہا ہے، افغان شہریوں کیلئے پاکستان ہر ممکن سہولت پیدا کر رہا ہے، پاکستان کی جانب سے امدادی اشیا بھی فراہم کی جارہی ہیں۔شاہ محمود قریشی نے کہا کہ عالمی برادری کو افغانستان سے متعلق سوچنا چاہیے، پاکستان اپنی ذمہ داری نبھانے کی پوری کوشش کررہا ہے، ہمسائے ہونے کے ناطے اپنی ذمہ داری ادا کر رہے ہیں اور عالمی برادری کوافغانستان پر توجہ دلانے کی کوشش کررہے ہیں۔

وزیر خارجہ کا کہنا تھا کہ توقع ہے افغانستان کے دیگر پڑوسی بھی کردار ادا کریں گے، یورپی یونین کو احساس ہوگیا ہے کہ افغانستان میں حالات بگڑے تو نقصان ہوگا جبکہ نیٹوکمانڈرزبھی افغانستان کی صورتحال پرتشویش کااظہارکررہے ہیں۔امریکا کے حوالے سے انھوں نے کہا کہ امریکی حکام کوبھی کہا جارہا ہے، ماضی کی غلطیوں سےسبق سیکھناچاہیے، امریکامیں بھی باتیں ہورہی ہیں مستحکم افغانستان کیلئے کردارادا کرنا چاہیے۔