افغانستان میں 60 سے زائد دہشت گرد کیمپ موجود ہیں۔ پاکستان

?️ 18 ستمبر 2025

اسلام آباد (سچ خبریں) پاکستان کے مستقل مندوب عاصم افتخار نے اپنے بیان میں کہا افغانستان کی حدود میں ساٹھ سے زائد دہشت گرد کیمپ موجود ہیں، کمیں گاہوں کو سرحد پار دراندازی کے لیے استعمال کیا جا رہا ہے۔

سلامتی کونسل میں پاکستان کے مستقل مندوب عاصم افتخار نےخطاب کرتے ہوئے کہا طالبان کو اقتدار سنبھالے چار سال سے زائد ہوچکے، افغانستان اب بھی انسانی بحران، دہشتگردی اور اقتصادی مسائل کا شکار ہے۔

عاصم افتخار نے کہا داعش، خراسان، القاعدہ، ٹی ٹی پی، بی ایل اے اور مجید بریگیڈ جیسے گروہ پاکستان کیخلاف حملوں کی منصوبہ افغان سرزمین سے کررہے ہیں، پاکستان اور چین نے بی ایل اے اور مجید بریگیڈ کو دہشت گرد قرار دینے کی درخواست جمع کرائی ہے، پاکستان نے گزشتہ چار دہائیوں سے لاکھوں افغان مہاجرین کو پناہ دی ہے۔

مزید کہا افغانستان کو درپیش مسائل عالمی برادری کی ترجیحات میں تبدیلی، عدم تعاون اور مالی امداد کی کمی کا نتیجہ ہے، پاکستان پڑوسی ملک میں امن استحکام اور خوشحالی کے لیے پرعزم ہے، تنہائی اور بائیکاٹ کا راستہ خطے کے لیے مزید پیچیدگیاں پیدا کرے گا۔