?️
اسلام آباد:(سچ خبریں) اسلام آباد ہائیکورٹ نے پاکستان تحریک انصاف (پی ٹی آئی) کے چیئرمین عمران خان کی درخواست منظور کرتے ہوئے ٹرائل کورٹ کو 9 مئی سے متعلق 9 مقدمات میں ضمانت کی درخواستوں پر دوبارہ سماعت کا حکم دے دیا۔
اسلام آباد ہائیکورٹ کے چیف جسٹس عامر فاروق اور جسٹس طارق محمود جہانگیری پر مشتمل دو رکنی بینچ نے چیئرمین پی ٹی آئی کی 9 مئی کے واقعات سے متعلق 9 مقدمات میں ٹرائل کورٹ کی جانب سے ضمانت کی درخواستیں خارج کرنے کے خلاف درخواست پر سماعت کی اور محفوظ فیصلہ سنا دیا۔
عدالت نے ٹرائل کورٹ کے فیصلے کے خلاف چیئرمین پی ٹی آئی کی درخواست منظور کی اور ٹرائل کورٹ کا عدم پیروی پر درخواستیں خارج کرنے کا فیصلہ کالعدم قرار دے دیا۔
اسلام آباد ہائیکورٹ کے چیف جسٹس عامر فاروق اور جسٹس طارق محمود جہانگیری نے فیصلے میں کہا کہ ٹرائل کورٹ 9 مقدمات میں ضمانت کی درخواستیں دوبارہ سنے۔
ان درخواستوں میں سے 6 سیشن عدالت اور 3 درخواستیں انسداد دہشت گردی عدالت نے خارج کی تھیں۔
اسلام آباد ہائی کورٹ نے فیصلے میں کہا کہ ضمانت کی درخواستیں خارج کرنے کے ٹرائل عدالتوں کے فیصلے کالعدم قرار دیے جاتے ہیں اور خارج کی گئیں ضمانت کی درخواستیں ٹرائل کورٹ میں زیر التوا تصور کی جائیں۔
فیصلے میں کہا گیا کہ ٹرائل کورٹ کا عدم پیروی پر درخواستیں خارج کرنے کا فیصلہ کالعدم قرار دیا جاتا ہے۔
ٹرائل کورٹ میں ضمانت کے لیے درج درخواستوں میں توشہ خانہ کیس، دفعہ 144 کی خلاف ورزی کا کیس اور ایک درخواست اقدام قتل کے مقدمے سے متعلق تھی۔
یاد رہے کہ اسلام آباد کی مقامی عدالتوں نے پرتشدد مظاہروں پر چیئرمین پی ٹی آئی عمران خان کے خلاف درج مقدمات میں ضمانت کی 9 درخواستیں مسترد کر دی تھیں۔
اسلام آباد کی انسداد دہشت گردی عدالت نے ضمانت کی 3 درخواستیں اور ایڈیشنل ڈسٹرکٹ اینڈ سیشن جج (اے ڈی ایس جے) محمد سہیل نے عمران خان کی قبل از گرفتاری ضمانت کی 6 درخواستیں مسترد کر دی تھیں جبکہ چیئرمین پی ٹی آئی توشہ خانہ کیس میں سزا کے بعد حراست میں لیے جانے کی وجہ سے عدالت میں سماعت کے دوران غیر حاضرنہیں تھے۔
یڈیشنل ڈسٹرکٹ اینڈ سیشن جج محمد سہیل نے توشہ خانہ تحائف کی جعلی رسید سے متعلق مقدمے میں عمران خان کی اہلیہ بشریٰ بی بی کی عبوری ضمانت میں توسیع کردی تھی۔
چیئرمین پی ٹی آئی کی جانب سے ان کے خلاف تھانہ کھنہ اور بارہ کہو تھانے میں درج مقدمات میں انسداد دہشت گردی عدالت کے جج ابوالحسنات ذوالقرنین سے ضمانت کی درخواست کی تھی۔
ایڈیشنل ڈسٹرکٹ اینڈ سیشن جج نے کراچی کمپنی، رمنا، کوہسار، ترنول اور سیکریٹریٹ تھانوں میں درج ایف آئی آرز میں ضمانت کی درخواستوں پر سماعت کی تھی۔
استغاثہ نے عدالت میں مؤقف اختیار کیا تھا کہ عمران خان جیل میں ہیں اس لیے وہ ضمانت قبل از گرفتاری کے حق دار نہیں ہیں اور تفتیشی افسران نے عدالت کو بتایا تھا کہ عمران خان اپنے خلاف درج مقدمات میں شامل تفتیش نہیں ہوئے۔
چیئرمین پی ٹی آئی کے وکیل بیرسٹر سلمان صفدر نے مؤقف اپنایا تھا کہ سابق وزیراعظم کو ان کے خلاف درج تمام 6 مقدمات میں ایک جیسے الزامات کا سامنا ہے لیکن پولیس ان معاملات میں تحقیقات کے لیے اقدامات نہیں کر رہی ہے۔
مشہور خبریں۔
ہماری امت کا بچہ بچہ چاہتا ہے فلسطینیوں کیلئے لڑیں، حکمران رکاوٹ ہیں: حافظ نعیم الرحمان
?️ 21 اپریل 2024لاہور: (سچ خبریں) امیر جماعت اسلامی حافظ نعیم الرحمان نے کہا ہے
اپریل
2008 کے بعد سے اسرائیلی فوج پر رہائشیوں کے اعتماد میں کمی
?️ 8 جنوری 2022سچ خبریں: القدس نیٹ ایک اسرائیلی ادارے کی طرف سے کرائے گئے
جنوری
ہم مشرق وسطیٰ کی سلامتی پر اسرائیل کے ساتھ مشاورت میں دلچسپی رکھتے ہیں: روس
?️ 15 اکتوبر 2021سچ خبریں: لاوروف نے بتایا کہ ہم مشرق وسطیٰ میں سلامتی اور استحکام
اکتوبر
کابل میں داعش کے خلاف آپریشن کی تفصیلات؛ دو دہشت گرد ہلاک
?️ 28 فروری 2023سچ خبریں:افغانستان کے حکمراں ادارے کے ترجمان ذبیح اللہ مجاہد نے اس
فروری
غزہ میں لوگوں کے رہنے کے لیے کوئی جگہ نہیں، انہیں منتقل ہونا چاہیے: ٹرمپ
?️ 6 فروری 2025سچ خبریں: بنجمن نیتن یاہو سے ملاقات سے قبل اپنے ریمارکس میں
فروری
الیکشن کمیشن آف پاکستان انتخابات کے لیے ہمیشہ تیار ہےاور بغیر کسی خوف کے فیصلے کرتا رہے گا۔
?️ 1 جون 2022اسلام آباد(سچ خبریں)چیف الیکشن کمشنر سکندر سلطان راجا نے کہا ہے کہ
جون
یوکرین پر لگنے والے روسی میزائل اورشنیک نے کیا نقصان کیا ہے؟پینٹاگون کا بیان
?️ 27 نومبر 2024سچ خبریں:پینٹاگون کی معاون ترجمان نے انکشاف کیا ہے کہ امریکہ اب
نومبر
الیکشن میں دھاندلی روکنے کیلئے ای ووٹنگ واحد آپشن ہے: گورنر پنجاب
?️ 19 جون 2021لاہور (سچ خبریں) گورنر پنجاب چوہدری سرور کا کہنا ہے کہ الیکشن
جون