اسلامی بینکاری کا فریم ورک مضبوط بنانے کا بل سینیٹ سے منظور

?️

اسلام آباد: (سچ خبریں) پاکستان کے ایوان بالا سینیٹ نے بینکنگ کمپنیز ترمیمی بل منظور کر لیا جس کا مقصد ملک میں اسلامی بینکاری کے قانونی ڈھانچے کو مضبوط کرنا ہے۔

میڈیا رپورٹس  کے مطابق بہت سے لوگوں کی توقع تھی کہ 26 ویں آئینی ترمیم کا بل ایوان میں پیش کیا جائے گا لیکن اپوزیشن کے اراکین سینیٹ کو ملنے والی مسلسل دھمکیوں اور ان کے اہل خانہ کے اغوا پر شور شرابے کے درمیان سینیٹ کے اجلاس کا وقت بار بار تبدیل ہوتا رہا۔

پہلے سیشن کا انعقاد صبح 11 بجے ہونا تھا لیکن الگ الگ نوٹیفکیشنز کے ذریعے وقت کو تبدیل کر کے 12.30 بجے، 3 بجے شام، 6.30 بجے، شام 8 بجے اور پھر رات 9.30 بجے کر دیا گیا۔

سیشن تقریباً 11.10 بجے شروع ہو سکا جس میں بینکنگ کمپنیز ترمیمی بل منظور کر لیا گیا جہاں یہ بل وزیر خزانہ محمد اورنگزیب نے پیش کیا۔

بل کی اہم خصوصیات بتاتے ہوئے وزیر خزانہ نے کہا کہ اس سے اسلامی بینکنگ کے کاروبار کی معاونت کے لیے قانونی فریم ورک کو مضبوط بنانے میں مدد ملے گی، انہوں نے کہا کہ مالیاتی شمولیت کو فروغ دینے کے لیے اسٹیٹ بینک آف پاکستان کے ریگولیٹری کردار کو بھی مضبوط کیا گیا ہے جبکہ بینکنگ محتسب کے پاس شکایات درج کرانے کا طریقہ کار بھی آسان کر دیا گیا ہے۔

وزیر خزانہ نے کہا کہ 2008 میں عالمی مالیاتی بحران کی وجہ سے بہت سی کمپنیاں ڈوب گئی تھیں، پاکستان اس بل کے ذریعے ایسے مالیاتی بحران پر قابو پانے کے حوالے سے اصلاحات لانے کے لیے تیار ہے۔

وزیر نے ایوان کو یہ بھی بتایا کہ نان فائلر کے رواج کو ختم کرنے کے لیے ایک قانون زیر غور ہے، بہت سے ممالک ایسے ہیں جہاں کوئی بھی اس وقت تک ووٹ نہیں دے سکتا جب تک کہ اس کے پاس نیشنل ٹیکس نمبر نہ ہو۔

جب ان سے پوچھا گیا کہ کیا اسٹیٹ بینک حکومت کے ماتحت ہے تو انہوں نے جواب دیا کہ یہ ایک خودمختار ادارہ ہے اور اسے خود مختار بنانے کا فیصلہ پارلیمنٹ کا تھا۔

سیاست سے وابستہ فرد(PEPs) ہونے کی وجہ سے قانون سازوں کو قرضوں اور کریڈٹ کارڈز سے کی فراہمی سے انکار کے بارے میں ایک سوال کے جواب میں انہوں نے کہا کہ وہ خود سیاست سے وابستہ شخص ہیں، انہوں نے کہا کہ PEPs کے لیے اضافی مستعدی کی ضرورت ہے لیکن PEPs کو کسی بھی سہولت سے انکار کرنے کی کوئی وجہ نہیں اور یہ معاملہ گورنر اسٹیٹ بینک کے ساتھ اٹھانے کا وعدہ کیا۔

جب سینیٹ کے سابق چیئرمین فاروق ایچ نائیک نے اس بات کی نشاندہی کی کہ قواعد کے تحت تاریخ کی تبدیلی سے قبل ایوان کو ملتوی کرنا ضروری ہے تو ڈپٹی چیئرمین نے ایوان کا اجلاس دوبارہ ساڑھے 12 بجے تک ملتوی کردیا لیکن اجلاس دوبارہ منعقد نہ ہو سکا اور اعلان کیا گیا کہ اب اجلاس اتوار کو سہ پہر تین بجے ہو گا۔

مشہور خبریں۔

جرمنی کی بھی فلسطینیوں کی نسل کشی میں شامل ہونے کی کوشش

?️ 17 جنوری 2024سچ خبریں: جرمنی غزہ کے خلاف جنگ کے عین وقت تل ابیب

کورونا کی چوتھی لہر سے بچنے کیلئے پنجاب حکومت کااہم فیصلہ

?️ 12 جولائی 2021لاہور (سچ خبریں) عالمی وبا کورونا وائرس کی چوتھی لہر سے بچنے

آبادی سے زیادہ بندوقیں رکھنے والا ملک

?️ 29 مئی 2022سچ خبریں:ایک سوئس انسٹی ٹیوٹ کے سروے کے مطابق امریکہ ایک ایسا

شہباز شریف نے پیکا ایکٹ میں ترامیم کیلئے 8 رکنی کمیٹی تشکیل دے دی

?️ 21 مئی 2024اسلام آباد: (سچ خبریں) وزیراعظم شہباز شریف نے پریوینشن آف الیکٹرانک کرائمز

سعودی اتحاد نے ایک ہفتے میں 1647 مرتبہ یمنی جنگ بندی کی خلاف ورزی کی

?️ 10 اپریل 2022سچ خبریں: اسلامی مقاومت میں العالم الحربی میڈیا گروپ کے مطابق ان

کوئٹہ: تاجروں کا تمام کاروباری مراکز  کھولنے کا اعلان

?️ 11 مئی 2021کوئٹہ(سچ خبریں) تاجروں نے حکومتی پابندی ماننے سے انکار کرتے ہوئے احتجاجی

صہیونی فوج کا خصوصی یونٹ بھی مظاہرین کے جرگے میں شامل

?️ 9 مارچ 2023سچ خبریں:صیہونی حکومت کی فوج میں شمولیت کے بائیکاٹ کرنے والوں کے

نیو اورلینز واقعے کا مشتبہ شخص کون تھا ؟

?️ 2 جنوری 2025سچ خبریں: روئٹرز نے بدھ کی رات لکھا کہ NOLA.com نے قانون

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے