احتساب پاکستان تحریک انصاف کا ایک جزءہے: شہزاد اکبر

?️ 20 مئی 2021

اسلام آباد (سچ خبریں ) وزیراعظم عمران خان کے مشیر داخلہ و احتساب شہزاد اکبر نے کہا ہے کہ احتساب پاکتسان تحریک انصاف کا ایک جزء ہے احتساب اگر سب کے لئے نہیں تو اس کا کوئی فائدہ نہیں یہ بات انہوں نے راجا ریاض کے الزامات پر ردعمل میں کہی۔

ان کا کہنا تھا کہ شہزاداکبرنہ بھی ہو تو تحقیقاتی ادارے اپناکام اسی طرح قانون کے مطابق آزادانہ کرتے رہیں گے۔خیال رہے کہ تحریک انصاف کے جہانگیر ترین ہم خیال گروپ کے رہنما راجا ریاض کا کہنا تھا کہ عمران خان سازشی لوگوں سے بچیں، جو غلط فہمیاں پیداکر رہے ہیں۔ان کا کہنا تھا شہزاد اکبر پتا نہیں کہاں سے کیوں اورکیسے آئے؟ یہ سب وہ کر رہے ہیں، شہزاد اکبر کی آج تک کی کارکردگی صفربٹا صفر بٹاصفرہے۔

راجا ریاض کا کہنا تھاکہ پنجاب حکومت نے جہانگیر ترین گروپ کے ایم پی ایز کے خلاف کارروائیاں کیں جس پر ایم پی ایز نے کہاکہ ہمیں گروپ کا اعلان کرناچاہیے۔راجا ریاض نے بتایا کہ سعید اکبر نوانی پنجاب اسمبلی میں جہانگیر ترین گروپ کے پارلیمانی لیڈر ہوں گے تاہم وفاق میں ہمیں پارلیمانی لیڈرکی ضرورت نہیں۔

راجا ریاض کے مطابق وزیراعظم نے میٹنگ میں کہاتھاوفاق یا صوبائی حکومت سے کسی قسم کی ناانصانی نہیں ہوگی، یہ بھی کہا گروپ بنانا کوئی ایسی بات نہیں آپ پی ٹی آئی کا حصہ ہیں لیکن ہمارے خلاف پنجاب حکومت نے انتقامی کارروائی شروع کی ہے۔

جہانگیر ترین ہم خیال گروپ کے رہنما کا کہنا تھاکہ شہزاد اکبر جو کر رہے چاہے وہ ن لیگ، ق لیگ یا پی ٹی آئی کیخلاف وہ سازش ضرورکرتے ہیں، شہزاداکبرکواگر کچھ کرناہے ایساکریں کہ کم ازکم اگلابندہ پکڑاجائے کچھ برآمدتوہو، شہزاد اکبر کی آج تک کی کارکردگی صفربٹا صفر بٹاصفرہے، انہوں نے جتنے کیس بنائے جھوٹے ثابت ہورہے ہیں چاہے ن لیگ یاق لیگ کیخلاف ہوں۔