پاکستان

اتحادی حکومت کا آئندہ انتخابات سےقبل ووٹ پکے کرنے کا ایک اور منصوبہ سامنے آ گیا

11
فروری

?️ 11 فروری 2023

اسلام آباد: (سچ خبریں) حکومت نے ووٹ بینک بڑھانے کے لیے نوکریاں دینے کا فیصلہ کر لیا۔میڈیا رپورٹس کے مطابق آئندہ انتخابات سے قبل اتحادی حکومت کا ووٹ پکے کرنے کا ایک اور منصوبہ سامنے آ گیا۔

وفاقی وزارتوں اور محکموں میں خالی آسامیوں پر بھرتیوں کا فیصلہ کر لیا گیا۔وزیراعظم آفس نے تمام وزارتوں سے خالی آسامیوں کی تفصیلات طلب کر لیں۔
وزارتوں اور محکموں کو گریڈ ایک سے پندرہ کی خالی آسامیوں کی تفصیلات فوری بھجوانے کی ہدایت کر دی گئی۔وزارتوں ، ذیلی محکموں، خودمختار اداروں اور کمپنیوں کی خالی آسامیوں کی تفصیلات بھی طلب کی گئی ہیں۔دوسری جانب لاہور ہائیکورٹ نے الیکشن کمیشن کو 90 دنوں میں پنجاب میں الیکشن کروانے کا حکم دے دیا۔لاہور ہائیکورٹ نے پی ٹی آئی کی درخواست منظور کرتے ہوئے الیکشن کمیشن کو پنجاب میں انتخابات کی تاریخ دینے کی ہدایت کردی۔لاہور ہائیکورٹ نے پنجاب میں الیکشن کی تاریخ سے متعلق پاکستان تحریک انصاف کی درخواست پر محفوظ کیا گیا فیصلہ سنادیا۔ پنجاب میں الیکشن کی تاریخ سے متعلق فیصلہ جسٹس جواد حسن نے لکھوایا، تحریری فیصلہ لاہور ہائیکورٹ کی ویب سائٹ پر بھی جاری کیا جائے گا۔ لاہور ہائیکورٹ کے فیصلے پر ردعمل دیتے ہوئے پی ٹی آئی کے سینئر رہنما فواد چوہدری نے نجی ٹی وی چینل اے آر وائے پر گفتگو کرتے ہوئے کہا کہ عدالت نے الیکشن کمیشن کو کہہ دیا ہے کہ الیکشن کمیشن پرسوں تک الیکشن کی تاریخ اور شیڈول جاری کرے۔
فواد چوہدری نے کہا کہ ہم تو پہلے دن سے کہہ رہیں کہ سوائے اس کے آپ مارشل لا لگا دیں اور کوئی گنجائش ہی نہیں ہے کہ الیکشن کو ملتوی کیا جا سکے۔ انہوں نے کہا کہ آئین کے مطابق گورنر کی جانب سے الیکشن کی تاریخ دینا لازم ہے۔ انہوں نے کہا کہ آج لاہور ہائیکورٹ نے ہمارے موقف کی توثیق کی ہے۔ فواد چوہدری نے حکومت کو تنقید کا نشانہ بناتے ہوئے کہا کہ انہوں نے آئین کے ساتھ کھلواڑ کیا۔

Short Link

Copied