ٹیسلا  نے انسان نما روبوٹ تیار کرنے کا اعلان کر دیا

?️ 21 اگست 2021

نیویارک (سچ خبریں) ‌ٹیسلا کمپنی انسان نما ربوٹ تیار کر رہی ہے اس حوالے سے کمپنی نے الیکٹرک کار کے بعد مصنوعی ذہانت پر مبنی انسان نما ربورٹ بنانے کا اعلان کردیا ہے۔ یہ روبوٹ مصنوعی ذہانت پر مبنی ہوگا جس کا نام آپٹیمس رکھا گیا ہے اور ایک مجسمے کی طرح نظر آئے گا۔

غیر ملکی خبر رساں ادارے کی رپورٹ کے مطابق اسٹار لنک سیٹلائٹ، دماغی چپ اور خودکار گاڑیاں بنانے والی کمپنی ٹیسلا کے مالک ایلون مسک نے اعلان کیا ہے کہ ٹیسلا نے انسان نما روبوٹ تیار کررہی ہے۔

ٹیسلا کے جاری کردہ اعلامیے میں کہا گیا ہے کہ یہ روبوٹ مصنوعی ذہانت پر مبنی ہوگا جس کا نام آپٹیمس رکھا گیا ہے۔رپورٹس کے مطابق آپٹیمس کی اونچائی 173 سینٹی میٹر اور وزن 57 کلوگرام کے قریب ہوگا اور یہ روبوٹ کپڑے کی دکان میں رکھے کسی مجسمے کی طرح نظر آئے گا۔

رپورٹ میں کہا گیا ہے کہ روبوٹ ان کاموں کو انجام دے گا جو اکتاہٹ کا باعث بنتے ہیں اور پرخطر ہیں، ساتھ ہی یہ روبوٹ 20 کلوگرام تک وزن اٹھانے کی صلاحیت بھی رکھتا ہے۔ربورٹ کو حرکت دینے کے لیے 40 ایکچوایٹرز نصب کیے جائیں گے۔ تمام ایکچوایٹرز برقی مقناطیسی انداز میں کام کرتے ہوئے روبوٹ کے مختلف حصوں کو حرکت دیں گے۔